نئی دہلی ، 28 مئی (انڈیا نیرٹیو)
ہفتے کے آخری کاروباری دن نیشنل اسٹاک ایکسچینج کے نفٹی نے آل ٹائم ہائی کا ریکارڈ قائم کیا ہے۔ پازیٹیو رجحان کی وجہ سے مسلسل آج پانچویں دن بھی شیئر بازار مضبوطی کے ساتھ کھلا۔ بامبے اسٹاک ایکسچینج (بی ایس ای) کے سینسیکس نے آج 266.05 پوائنٹس کی چھلانگ کے ساتھ 51381.27 پوائنٹس کی سطح کے ساتھ کاروبار کی شروعات کی ،وہیں نیشنل اسٹاک ایکسچینج کا نفٹی 83.35 پوائنٹس کے اضافے کے ساتھ آل ٹائم ہائی کا ریکارڈ بناتے ہوئے 15421.20 پوائنٹس کی سطح پر کھلا۔
آج کا کاروبار شروع ہوتے ہی گزشتہ دو کاروباری دنوں کی طرح ایک بار پھربازار میں سستی لانے کی کوشش ہوئی جس کی وجہ سے فروخت کے دباو کی وجہ سے ، سینسیکس پہلے ہی دس منٹ میں 51298.89 کی سطح پر آ گیا لیکن اس کے بعد بازار میں تیزی کا رجحان حاوی ہوا۔ اس کی وجہ سے خریداری کے زور سے سینسیکس ایک بار پھر 51477.05 پوائنٹس کی سطح پر پہنچ گیا۔ تاہم ، اس کے بعد سے مارکیٹ میں خریدار ی کا زبردست دور ہاتو کبھی فروخت کا دباوبن رہا ہے۔ لیکن مجموعی طور پر ، اب تک کے کاروبار میں تیزی کا رجحان زیادہ نظر آرہاہے۔
اسی طرح ، نیشنل اسٹاک ایکسچینج کے نفٹی نے بھی 15421.20 کی سطح پر آج کاروبار شروع کیا ، جس نے 83.35 پوائنٹس کے اضافے کے ساتھ آل ٹائم کا اعلی ریکارڈ قائم کیا۔ نفٹی بھی ایک بار فروخت کے دباومیں 15406.45 سطح پر آگیا لیکن اس سطح تک پہنچنے کے بعدشروع ہوئی خریداری نے نفٹی کو ہوادیجس کی وجہ سے نفٹی چھلانگ لگا کر 15455.55 کی آل ٹائم بلندی پر پہنچ گیا۔
فی الحال بازار حصص میں چل رہی خرید و فروخت کی وجہ سے اتار چڑھاو کی حالت بنی ہوئی ہے۔ صبح تقریباًایک۔ ڈیڑھ گھنٹے تک کاروبار کرنے کے بعد صبح 10.45 بجے سینسیکس 269.75 پوائنٹس کے اضافے کے ساتھ 51384.97 کی سطح پر کاروبار کررہا ہے۔اسی طرح نفٹی بھی 91.40 پوائنٹس کے اضافے کے ساتھ 15429.25 پوائنٹس کی سطح پر کاروبار کررہا ہے۔
