وزیر اعظم نریندر مودی نے سمندری طوفان یاس  سے متاثرہ ریاستوں کے لیے ایک ہزار کروڑ روپے کی مالی مدد کا اعلان کیا

جناب مودی نے سمندری طوفان یاس سے متاثرہ ریاستوں میں فوری امدادی سرگرمیوں کے لیے ایک ہزار کروڑ روپے کی مالی امداد کا اعلان کیاہے۔وزیر اعظم نے فوری امدادی سرگرمیوں کے لیے سمندری طوفان یاس سے متاثر ہونے والی ریاستوں کے لیے ایک ہزار کروڑ روپے کی مالی امداد کا اعلان کیا۔ 500 کروڑ روپے فوری طور پر اُڈیشہ کو دیے جائیں گے جب کہ 500 کروڑ روپے کا اعلان مغربی بنگال اور جھارکھنڈ کے لیے کیا گیا ہے جو نقصان کی بنیاد پر دیے جائیں گے۔

مرکز نقصانات کا جائزہ لگانے کے لیے ایک بین وزارتی ٹیم مقرر کرے گی، جو ریاستوں کو دورہ کرے گی اور اس کی بنیاد پر امداد دی جائے گی۔ جناب مودی نے اُڈیشہ، مغربی بنگال اور جھارکھنڈ کے عوام کو یقین دلایا ہے کہ مرکزی حکومت اس مشکل وقت میں ریاستی حکومتوں کے ساتھ قریبی تعاون سے کام کرے گی اور متاثرہ علاقوں میں بنیادی ڈھانچے کی بحالی اور تعمیرِ نو کے لیے ہر ممکن امداد فراہم کرے گی۔

 وزیر اعظم نے سمندری طوفان سے متاثر ہونے والے تمام لوگوں کے ساتھ مکمل یکجہتی کا اظہار کیا اور اُن لوگوں کے اہلِ خانہ کے ساتھ تعزیت کا اظہار کیا، جنہوں نے اس آفت میں اپنے گھر کے افراد کو کھو دیا ہے۔ انہوں نے مرنے والے افراد کے وارثین کو دو دو لاکھ روپے اور زخمیوں کے لیے پچاس پچاس ہزار روپے کی نقد امداد کا اعلان کیا۔

 جناب مودی نے کہا کہ ہمیں اور زیادہ سائنسی بنیاد پر آفات کے بندوبست پر توجہ دینی چاہیے۔ انہوں نے کہا کہ بحر عرب اور خلیج بنگال میں جس طرح سمندری طوفان کے اثرات میں اضافہ ہو رہا ہے، اسے دیکھتے ہوئے مواسلات کے نظام، اثرات کو کم کرنے کی کوششوں اور تیاریوں میں ایک بڑی تبدیلی کی ضرورت ہے۔ انہوں نے امدادی کاموں میں بہتر تعاون کے لیے عوام میں اعتماد پیدا کرنے کی اہمیت کو اُجاگر کیا۔