عصمت دری کے الزام میں گرفتار اداکار پرل وی پوری کوضمانت مل گئی

ٹیلی ویڑن کی دنیا کے مشہور اداکار اور ' ناگن 3' کے شہرت یافتہ پرل وی پوری کو اب ضمانت مل گئی ہے۔ 4 جون کو ، اداکار پر مبینہ طور پر ایک نابالغ لڑکی نے زیادتی کا نشانہ بنانے کاالزام لگایا تھا۔ جس کے بعد ممبئی پولیس نے اداکار کو گرفتار کرلیاتھا۔ اسی کے ساتھ ، تازہ ترین معلومات کے مطابق ، اداکار کو ایک رات کے لیے تحویل میں رکھنے کے بعد ، انہیں ہفتے کے روز ویلیو پولیس اسٹیشن (وسائی) سے عدالت لے جایا گیا ، جہاں عدالت نے ان کی ضمانت منظور کرلی ہے۔

 ٹیلی ویژن اداکارہ اور پرل وی پوری کی قریبی دوست کرشمہ تنہ نے سوشل میڈیا پر یہ اطلاع دی ہے۔ انسٹاگرام پر پرل وی پوری کے ساتھ اپنی ایک تصویر شیئر کرتے ہوئے کرشمہ تنہ نے لکھا ہے – ' ستیامیو جئےتے۔ سچائی کی جیت ہوئی ہے۔'

اداکار کو ضمانت ملنے پر اپنے مداحوں کے ساتھ ساتھ ٹیلیویڑن دنیا کی بہت سی مشہور شخصیات بھی بہت خوش ہیں۔ پرل وی پوری کی گرفتاری کی خبر سامنے آنے کے بعد ٹیلی ویڑن کی ملکہ ایکتا کپور ، وکاس قلنتری ، کرسٹل ڈسوزا ، انیتا حسنندانی اور علی گونی سمیت بہت سے ٹی وی کی مشہور شخصیات پرل کی حمایت میں سامنے آئی ہیں اور تمام مشہور شخصیات نے اداکار کے خلاف ان الزامات کو مکمل بے بنیاد ، سازش اور جھوٹا قرار دیاہے۔