مہاراشٹرا کے پونے ضلع میں پمپری کے اروڑے علاقے میں سینیٹائزر بنانے والی ایس وی ایس کمپنی میں شدید آتشزدگی کے نتیجے میں 11 مزدور ہلاک ہوگئے۔ اس حادثے میں ، جے سی بی سے کمپنی کی دیوار توڑ کر کم از کم 17مزدوروں کو بچالیا گیا ہے۔ فائر بریگیڈ کی تین گاڑیوں نے سخت مشقتکے بعد آگ پر قابو پایا۔ فی الحال کولنگ کا کام جاری ہے۔ جائے وقوعہ پر مزید کارکنوں کے ہلاک ہونے کا خدشہ ہے۔

پمپری کے تحصیل دار ابھے چوہان نے بتایا کہ ایس وی ایس کیمیکل کمپنی میں سینیٹائزر بنانے کا کام چل رہاتھا۔پیر کے روز یہاں کمپنی کی مشین میں اسپارک ہونے سے اچانک آگ بھڑک اٹھی۔ واقعے کی اطلاع ملنے پر فائر بریگیڈ کی 3 گاڑیاں موقع پر پہنچ گئیں اور آگ پر قابو پالیا لیکن بعد میں 17 مزدوروں کو جے سی بی سے کمپنی کی پچھلی دیوار توڑ کر باہر نکال لیا گیا۔ اس واقعے کی مکمل تحقیقات کی جائے گی۔

مقامی ایم ایل اے سنگرام تھوپٹے نے بتایا کہ اب تک اس واقعے میں 11 مزدوروں کی ہلاکت کے بارے میں بنیادی معلومات موصول ہو رہی ہیں۔ واقعے کی مکمل تحقیقات کے بعد ، قصورواروں کو فوری طور پر سخت سزا دی جانی چاہیے۔ اس واقعے میں ہلاک ہونے والوں کی شناخت کرنا بھی مشکل ہوگیا ہے۔

سینیٹائزر فیکٹری میں دھماکہ

پونے ضلع میں پرانگٹ گاؤں میں واقع سینیٹائزر فیکٹری میں دھماکہ کے نتیجے میں لگی آگ میں 17افراد جھلس کر ہلاک ہوگئے ان میں خواتین کی اکثریت ہے آج سرکاری ذرائع نے بتایا کہ دوپہر 3بجے سیم پرائیوٹ ایم آئی ڈی سی علاقہ میں واقع کیمیکل کمپنی ایس وی سی میں دھماکہ ہوا اور آگ تیزی سے پھیل گئی۔آگ میں بہت سے لوگ پھنس گئے۔اور مزدوروں کی۔موت واقع ہوگئی۔زیادہ تر افراد دم گھٹنے سے ہوئی ہے۔اس کی اطلاع پونے دیہی پولیس نے دی ہے۔فیکٹری ذرائع کے مطابق آگ پر قابو پالیا گیا ہے۔

پونے کے کلکٹر ڈاکٹر راجیش دیشمکھ اور سپریٹنڈنٹ ڈاکٹر ابھیون دیشمکھ جائے واقع پر پہنچ چکے ہیں۔چوان نے کہاکہ 11،لاشیں پائی گئی تھیں اور باقی 6 بعد میں برآمد کرلی گئیں۔لاشوں کو سسون اسپتال پونے منتقل کیاگیاہے۔ان کی شناخت مشکل ہے اور جنس کا بھی پتہ نہیں لگ رہا ہے۔لیکن۔معاون مزدوروں نے 12 خواتین کے ہونے کی بات کہی ہے۔راحتی ٹیمیں جائے واقع پر پہنچ چکی ہیں۔