مغربی بنگال سے ملحق ہند۔بنگلہ دیش سرحد پر تعینات بارڈر سیکورٹی فورس (بی ایس ایف) کی ٹیم نے بین الاقوامی سرحد کی حفاظت کے ساتھ ہی انسانی اسمگلنگ کے واقعات کو کافی حد تک قابو پانے میں بھی تعاون کیا ہے۔ جنوبی بنگال کی بین الاقوامی سرحد کے ساتھ تعینات اینٹی ہیومن ٹریفکنگ یونٹ نے رواں سال کے آخری پانچ ماہ میں 24 انسانی اسمگلنگ کی کوششوں کو ناکام کیا ہے۔
نابالغ لڑکیاں بھی متاثرین میں شامل
جنوبی بنگال فرنٹیئر کے ترجمان اور ڈی آئی جی سرجیت سنگھ گلیریا نے بتایا کہ ٹیم نے 27 متاثرین (بنگلہ دیشی خواتین) کو انسانی اسمگلروں کے چنگل سے بچایا اوراس دوران 24 اسمگلروں کو گرفتار کیا گیا۔ انہوں نے بتایا کہ اسمگلروں سے بچائے جانے والے متاثرین میں خواتین اور لڑکیوں کے علاوہ چار نابالغ لڑکیاں بھی شامل ہیں۔
بی ایس ایف کو سماجی تنظیموں کی بھی مدد
گلیریا نے بتایا کہ بی ایس ایف سرحد پر انسانی اسمگلنگ کو روکنے کے لیے ان دنوں بہت سخت اقدامات میں مصروف ہے۔ انہوں نے بین الاقوامی سرحد کے ساتھ انسانی اسمگلنگ کے خلاف کام کرنے والی تمام این جی اوز ، پولیس اسٹیشنوں ، سرکاری اداروں اور تنظیموں پر زور دیا کہ وہ اس گھناؤنے جرم کے خاتمے کے لئے مل کر تعاون کریں۔ اس کام میں مقامی ماجی تنظیموں کی مدد بھی لی جا رہی ہے۔
سرحدی علاقوں میں انسانی اسمگلنگ مخالف یونٹ کی تعیناتی
اہم بات یہ ہے کہ ، انسانی اسمگلنگ کو مکمل طور پر روکنے کے لیے ، مرکزی وزارت داخلہ کی ہدایات پر ، رواں سال جنوری میں بی ایس ایف نے ہند – بنگلہ دیش سرحد کے ساتھ حساس مقامات پر انسانی اسمگلنگ مخالف یونٹ کو تعینات کیا ہے۔ اس میں ، جنوبی بنگال سرحد پرسب سے زیادہ سات یونٹوں کو تعینات کیا گیا ہے۔
بی ایس ایف نے جعلی نوٹ اسمگلنگ کے معاملے میں دو افراد کو گرفتار کیا
ارڈر سیکورٹی فورس (بی ایس ایف) کے گوہاٹی فرنٹیئر میں تعینات 67 ویں کور کے مستعد دستوں نے ایک خصوصی کارروائی کے دوران ہند – بنگلہ دیش سرحدی علاقے سے جعلی کرنسی کے ساتھ دو بھارتی اسمگلروں کوگرفتار کیا ہے۔ یہ معلومات منگل کے روز دہلی میں بی ایس ایف ہیڈ کوارٹر کے ایڈیشنل ترجمان راج کمار پاٹھک نے دیں۔
بی ایس ایف کے ترجمان کے مطابق ، بی ایس ایف کے گوہاٹی فرنٹیئر میں تعینات 67 ویں کور (بی او پی) کے دستوں نے ہند – بنگلہ دیش سرحد کے علاقے میں ایک خصوصی کارروائی کی۔ اطلاع ملنے پر ، آپریشن ٹیم نے جعلی بھارتی کرنسی کے ساتھ دو بھارتی اسمگلروں کو گرفتار کرلیا۔ فی الحال ، بی ایس ایف نے مزید قانونی کارروائی کے لئے گرفتاران دو اسمگلروں کو ضلع دھبری میں آسام پولیس کے حوالے کردیا ہے۔
بی ایس ایف ترجمان کے مطابق ، سرحد سے ملحق علاقوں میں اسمگلروں اور ملک دشمن عناصر کی بڑھتی ہوئی سرگرمیوں کو مدنظر رکھتے ہوئے ، بی ایس ایف سرحد پار سے ہونے والے جرائم اور غیر قانونی دراندازی کے واقعات پر نظر رکھتی ہے اور اس کی روک تھام کے لیے ہر ممکن کوشش کرتی ہے۔
