ملک میں کورونا کے ایکٹیوکیسز میں 70 فیصد کی کمی

ملک میں کورونا کے نئے معاملات اور ایکٹیو کیسز میں کمی واقع ہوئی ہے۔ ملک میں نئے کیسز میں 78 فیصد کمی ریکارڈ کی جارہی ہے۔مرکزی وزارت صحت کے مطابق گزشتہ ایک ہفتہ میں نئے معاملات میں اوسطاً 31 فیصد کی کمی درج کی گئی ہے۔ 17 اپریل کو ، جہاں ملک میں 2.81 لاکھ نئے کیس رپورٹ ہوئے ، وہیں 11 جون تک یہ کم ہوکر ایک لاکھ سے کم ہوچکے ہیں۔ گزشتہ چار دنوں سے ، ملک میں کورونا کے نئے کیسز ایک لاکھ سے کم ہیں۔

جمعہ کے روز کورونا کی صورت حال اور اس کے لیے اٹھائے جانے والے اقدامات کے بارے میں آگاہ کرنے کے لئے منعقدہ ایک پریس کانفرنس میں وزارت صحت کے جوائنٹ سکریٹری لو اگروال نے کہا کہ مئی کے مہینے میں جہاں 531 اضلاع میں 100 سے زیادہ کیس رپورٹ ہوئے ہیں۔ جون میں ایسے اضلاع کی تعداد 196 اضلاع تک پہنچ گئی۔ انہوں نے کہا کہ ملک میں سرگرم کیسز بھی تیزی سے نیچے آئے ہیں۔ ملک میں سرگرم معاملات میں 70 فیصد کمی واقع ہوئی ہے۔ وہیں پازیٹیوٹی ریٹ بھی 5 فیصد سے نیچے آگیاہے۔

ملک کی 15 ریاستوں میں پازیٹیوہونے کی شرح 5 فیصد سے بھی کم ہے۔ انہوں نے بتایا کہ کورونا ویکسین کی پہلی خوراک ملک میں 19.85 کروڑ افراد کو دی گئی ہے۔ وہیں 4.76 کروڑ افراد کو ویکسین کی دوسری خوراک دی جاچکی ہے۔ اب تک لوگوں کو کل 24.61 کروڑ خوراکیں دی جا چکی ہیں۔ انہوں نے کہا کہ ملک میں صورت حال بہتر ہورہی ہے لیکن وائرس ابھی تک ختم نہیں ہوا ہے۔لوگوں کو احتیاطی تدابیر اختیار کرنے سے باز نہیں آنا چاہیے ۔غفلت کی وجہ سے ملک میں صورت حال پہلے کی طرح کی ہو سکتی ہے۔