پوری دنیا میں21 جون کو یوگا کا عالمی دن منایا جائے گا

پوری دنیا میں 21 جون کو یوگا کا عالمی دن منایا جائے گا۔ اس سال کا موضوع ہے، ”صحت و تندرستی کے لیےYoga“ کووڈ عالمی وبا دنیا بھر کے لوگوں کی زندگی اور روزی روٹی کو لگاتار متاثر کر رہی ہے لہٰذا ان حالات میں عوام کی مکمل صحت کو فروغ دینے میںYoga کی اہمیت بہت بڑھ جاتی ہے۔ ہمارے نامہ نگار نےYoga کرنے کے فوائد پر ایک نظر ڈالی ہے۔

یوگا محض ایک جسمانی سرگرمی نہیں ہے بلکہ یہ ایک قدیم جسمانی، ذہنی اور روحانی عمل ہے جس سے بہت لوگوں کو فائدہ ہوتا ہے۔مستقل یوگا کرنے سے کسی بھی شخص کی پٹھوں میں طاقت آتی ہے۔ ہڈیاں مضبوط ہوتی ہیں، جسم میں لچک پیدا ہوتی ہے، خون کا دوران بڑھتا ہے اور وہ بلڈپریشر نہیں بڑھتا۔

یوگا میں سانس لینے کے عمل یعنیPranayam سے کوئی بھی شخص ذہنی دباؤ سے محفوظ رہتا ہے اور اس میں تناؤ نہیں رہتا۔ یوگا قوت مدافعت کو بڑھاتا ہے اور وزن کو کم کرنے میں بھی مدد گار ثابت ہوتا ہے۔ روزانہ یوگا کرنے سے لوگ کسی بھی طرح کے دباؤ سے محفوظ رہتے ہیں اور ایک متوازن صحتمند طرززندگی گزارتے ہیں جوکہ وقت کی ضرورت ہے۔

خبر رساں ادارے سے خصوصی طور پر بات کرتے ہوئے آیوش کی وزارت کے سکریٹری ویدیا راجیش کوٹیچا نے بتایاکہ یوگا کووڈ کے علاج کا ایک اٹوٹ حصہ ہے۔