ماسکومیانمار سے مضبوط تعلقات کے حق میں

ماسکو 24 جون (انڈیا نیرٹیو)

 میانمار میں جمہوری حکومت کا تختہ پلٹنے کے بعد سے ، اس حکومت کو شدید تنقید کا سامنا کرنا پڑا ہے ، لیکن روس کی شکل میںاسے امید کی کرن نظرآرہی ہے۔ تازہ ترین پیشرفت کے مطابق روس نے میانمار کے ساتھ فوجی تعلقات کو مستحکم کرنے کے بارے میں اپنے عزم کااظہار کیا ہے۔ 

معلومات کے مطابق روسی وزیر دفاع سیرگئی شوگو نے میانمار کے بارے میں کہا کہ دونوں ممالک کے مابین باہمی افہام و تفہیم ، احترام اور اعتماد پر مبنی باہمی تعلقات کو مستحکم کرنے کی کوششوں کو جاری رکھنے کے لیے ہمیشہ تیار ہیں۔ اصل میں، میانمار کے جنٹا رہنما سینئر جنرل من آنگ ہولنگ رواں ہفتے ایک سیکیورٹی کانفرنس میں شرکت کے لئے دارالحکومت ماسکو میں تھے۔

 ہالنگ نے پیر کو روسی قومی سلامتی کونسل کے سربراہ نکولائی پیٹروسوف سے ملاقات کی تھی۔ جس کے بعد جاری کیا بیان میں کہا گیا ہے کہ دونوں ممالک نے دہشت گردی ، علاقائی سلامتی اور میانمار کے اندرونی معاملات میں غیر ملکی مداخلت سے متعلق امور پر تبادلہ خیال کیا۔ فی الحال ، جنٹا روس سے مدد کی تلاش میں ہے۔ وہیں روس ، میانمار کی فوج کا واحد اسلحہ سپلائرہے ۔

تاہم ، انسانی حقوق کے کارکنوں نے ماسکوپرمیانمار کے فوجی جنٹا کے ساتھ ایک دہائی کے بعد اقتدار میں آنے کوجوازفراہم کرنے کے الزام لگایاہے۔

حالیہ برسوں میں دونوں ممالک کے درمیان دفاعی تعلقات میں اضافہ ہوا ہے ، کیونکہ ماسکو نے ہزاروں فوجیوں کو فوج کی تربیت اور یونیورسٹی کی وظائف فراہم کیں۔ اس نے میانمار کی فوج کو اسلحہ بھی فروخت کیا ہے ، جسے متعدد مغربی ممالک نے بلیک لسٹ کیا ہوا ہے۔