نئی دہلی 28 جون 2021: وزیر دفاع جناب راج ناتھ سنگھ نے 27 جون 2021 کو لداخ کے لیہہ میں 300  سابق فوجیوں سے بات چیت کی ، جن میں اشوک چکرا فاتح نائب صوبیدار (آنریری) چیئرنگ موٹپ (ریٹائرڈ) اور مہا ویر چکر یافتہ کرنل سونم وانگچک (ریٹائرڈ) شامل تھے۔ اپنے خطاب میں جناب راج ناتھ سنگھ نے قوم کی حفاظت اور سلامتی کو یقینی بنانے میں سابق فوجیوں کے بے مثال لگن کی تعریف کی اور سابق فوجیوں کی فلاح و بہبود کے لئے حکومت کے عہد کا اعادہ کیا۔

انہوں نے کہا کہ سابق فوجیوں کی فلاح و بہبود اور اطمینان کے لئے کئی دہائیوں کے طویل انتظار کو ختم کرنے والی ’ون رینک ون پنشن‘ اسکیم کا آغاز کرنے کا  وزیر اعظم جناب نریندر مودی کا فیصلہ حکومت کے اٹل ارادے کا منہ بولتا ثبوت ہے۔ انہوں نے کہا کہ "ہمارا مقصد اُسی طرح آپ کی دیکھ بھال کرنا ہے جس طرح آپ سب نے ملک کی سلامتی کا خیال رکھا ہے۔"

سابق فوجیوں کی فلاح و بہبود کو یقینی بنانے کے لئے حکومت کی جانب سے کئے گئے دیگر اقدامات کا ذکر کرتے ہوئے وزیر دفاع نے کہا کہ بازآبادکاری کے مسئلے کو حل کرنے کے لئے بھی متعدد اقدامات کئے گئے ہیں۔ ڈائریکٹوریٹ جنرل ری سیٹلمنٹ کے ذریعے ملازمت میلوں کا انعقاد ، جس میں سابق فوجیوں کی ایک بڑی تعداد کو ملازمت دی گئی۔ انہوں نے مزید کہا کہ سابق فوجیوں کے لئے ‘ڈیجیٹل انڈیا’ کے تحت متعدد آن لائن خدمات متعارف کروائی گئیں۔ ان میں ٹیلی میڈیسن سروسز کی فراہمی کے لئے خاص طور پر جاری عالمی وبا کووڈ 19 کے دوران ‘ای صحت’ پورٹل کا آغاز کیا گیا۔   سابق فوجیوں کو درپیش مشکلات کو دور کرنے کے لئے انٹرایکٹو وائس رسپانس سسٹم (IVRS) متعارف کرایا گیا ہے۔

اس موقع پر لداخ کے لیفٹیننٹ گورنر جناب آر کے ماتھر ، لداخ کے رکن پارلیمنٹ جناب جام یانگ ٹی سیرنگ نامگیال ، چیف آف آرمی اسٹاف جنرل ایم ایم ناراوانے اور جنرل آفیسر کمانڈنگ ان چیف ، ناردرن کمانڈ لیفٹیننٹ جنرل وائی کے جوشی موجود تھے۔

بعد ازاں جناب راج ناتھ سنگھ نے لیہ او کرگل کی لداخ کی خود مختار ہل ڈیولپمنٹ کونسلز کے منتخب نمائندوں اور لیہ میں عہدیداروں سے ملاقات کی۔

اس سے پہلے  وزیر دفاع لداخ کے تین روزہ دورے پر لیہہ پہنچے۔ وہاں اپنے قیام کے دوران ، وہ بارڈر روڈس آرگنائزیشن (بی آر او) کے بنیادی ڈھانچے کے پروجکٹوں کا افتتاح کریں گے اور خطے میں متعین فوجیوں سے بات چیت کریں گے