سری نگر میں فورسز اور دہشت گردوں کے درمیان انکاونٹر شروع ایک دہشت گرد ہلاک ، آپریشن جاری

سری نگر ، 28 جون (انڈیا نیرٹیو)

سری نگر کے پارم پورہ کے علاقے ملورہ میں فورسز اور دہشت گردوں کے مابین جاری ایک انکاؤنٹر میں ایک نامعلوم دہشت گرد ہلاک ہوگیا ۔ خبر رساں ایجنسی  کے مطابق سرکاری ذرائع نے بتایا ہے کہ ایک نامعلوم دہشت گرد جس کی شناخت کی شناخت کی جا رہی ہے ، اس جاری مقابلے میں مارا گیا۔ انہوں نے بتایا کہ علاقے میں آپریشن جاری ہے۔اس سے قبل پارم پورہ کے علاقے میں پولیس نے ایک ٹویٹ کیا تھا کہ دہشت گردوں اور فورسز کے درمیان جھڑپ شروع ہو چکی ہے۔

نمایندے کے مطابق پولیس اور فوج کو خفیہ اطلاع ملی تھی کہ ملورہ میں کچھ دہشت گرد چھپے بیٹھے ہیں جن کو ڈھونڈ نکالنے کےلئے جب تلاش کاروائی شروع کی گئی تو انہوں نے فورسز کو فایرنگ کا نشانہ بنایا، جب کہ فورسز کی جانب سے کاروائی کرنے پر ایک  نامعلوم دہشت گرد مارا گیا ہے فی الحال دونوں اطراف سے گولی باری جاری ہے۔

جب کہ پورے علاقے کو سیل کیا گیا ہے تاکہ کوئی بھی دہشت گرد فرار نا ہو پائے-واضح رہے اس علاقے میں اکثر و بیشتر دہشت گردوں کی طرف سے کبھی فورسز پر حملے تو کبھی جھڈپیں ہوتی رہتی ہیں۔