سیاحتی مقام اہربل، جو جنوبی کشمیر کے کولگام ضلع میں اپنی گرجتی آبشاروں اور جادوئی پہاڑوں کے لیے مشہور ہے، سیاحوں سے کھچا کھچ بھرا ہوا ہے کیونکہ گزشتہ چھ مہینوں میں تقریباً ایک لاکھ لوگوں نے اس جگہ کا دورہ کیا ہے۔ اہربل آبشار جموں و کشمیر کے 75 آف بیٹ مقامات میں سے ایک ہے جو لیفٹیننٹ گورنر کی ترجیح رہی ہے۔

سرکاری اعداد و شمار سے پتہ چلتا ہے کہ اس سال جنوری سے اب تک 97,309 سیاحوں جن میں سیاحوں کے ساتھ ساتھ مقامی لوگ بھی شامل ہیں، نے اس جگہ کا دورہ کیا ہے۔اعداد و شمار کے مطابق جنوری کے مہینے میں 2560، فروری کے مہینے میں 12,880، مارچ میں 4,620، اپریل میں 22,450، مئی میں 11,397 اور جون کے مہینے میں 43,402 افراد نے اس سیاحتی مقام کا دورہ کیا۔

اعداد و شمار کے مطابق چھ ماہ کے دوران مقامی لوگوں کی آمد بہت زیادہ رہی کیونکہ اس سال اب تک 80 ہزار سے زائد افراد نے اس جگہ کا دورہ کیا ہے۔ اعداد و شمار کے مطابق، “کل 97,309 میں سے، مقامی لوگوں کی تعداد 80,121 تھی، ملکی تعداد 17,179 تھی اور غیر ملکیوں کی تعداد 09 تھی۔

 محکمہ سیاحت کے ایک عہدیدار نے بتایا کہ ضلع انتظامیہ کولگام، محکمہ سیاحت کشمیر، اہربل ڈیولپمنٹ اتھارٹی، فاریسٹ ڈویڑن کولگام کی طرف سے گرمیوں، خزاں اور سرما کے کھیلوں کی سرگرمیوں اور سوشل میڈیا کے ذریعے دو سال کی بڑے پیمانے پر مہم چلانے کے بعد بڑی تعداد میں اضافہ دیکھنے میں آیا ہے۔

احربل کو ترقی دینے اور سیاحت کی صلاحیت کو بڑھانے کے لیے، ڈپٹی کمشنر کولگام، ڈاکٹر بلال محی الدین بھٹ (آئی اے ایس) نے گزشتہ دو سالوں سے فیسٹول اور فیسٹیول کے انعقاد کے ذریعے اس کے فروغ کے لیے خصوصی کوششیں کی ہیں جس سے پچھلے سال سیاحوں کی تعداد دوگنی ہو گئی ہے اور توقع ہے کہ اس سال تین گنا ہوگی۔

 رحمت مقبول، اسسٹنٹ ڈائریکٹر، ٹورازم انچارج کولگام نے کہا کہ سیاحتی مقام احربل میں سیاحوں کو راغب کرنے کی بڑی صلاحیت موجود ہے اور اس کے فروغ اور کشمیر میں سیاحت کے شعبے کو فروغ دینے کے لیے محکمہ سیاحت نے کئی اقدامات کیے ہیں۔ انہوں نے کہا کہ اہربل میں مہم جوئی، موسم گرما، خزاں اور موسم سرما کے کارنیوالوں کا انعقاد کیا گیا اور دیگر حلقوں جیسے سوشل میڈیا، کیلنڈرز اور ضلع انتظامیہ کولگام کی طرف سے جاری کردہ کتابچے کے ذریعے تشہیری مہمات کے نتائج برآمد ہوئے۔

سی ای او احربل ڈویلپمنٹ اتھارٹی غالب محی الدین شاہ نے اس بات پر زور دیا کہ حکومت کی بنیادی توجہ سیاحت کے شعبے پر ہے، اور سیاحوں میں نمایاں اضافہ ہوا ہے اور وہ اس سال بڑے پیمانے پر اضافے کی توقع کر رہے ہیں۔انہوں نے کہا کہ غیر ملکی سیاحوں کی آمد میں بھی اضافہ ہوا ہے۔انہوں نے مزید کہا کہ صرف پہلے چھ مہینوں میں، ہم پہلے ہی تقریباً ایک لاکھ سیاحوں کا خیرمقدم کر چکے ہیں، جن میں ملکی اور غیر ملکی بھی شامل ہیں۔

 احربل میں ماضی میں ہونے والی خودکشیوں کے مسئلے پر بات کرتے ہوئے، انہوں نے کہا کہ باڑ کو مضبوط کرنے کے لیے اقدامات کیے ہیں، جگہ کی مسلسل نگرانی کو نافذ کیا ہے، اور کسی بھی ناخوشگوار واقعات کو روکنے کے لیے اسٹیٹ ڈیزاسٹر رسپانس فورس کو تعینات کیا ہے۔ اس کے نتیجے میں اس علاقے میں خودکشی کے واقعات میں نمایاں کمی آئی ہے۔ انہوں نے کہا کہ احربل بنیادی طور پر ایک ٹریکنگ ریزورٹ ہے، اور وہ اس کی ترقی کو بڑھانے اور سیاحوں کے تجربات کو بہتر بنانے کے لیے اور دیگر ضروری سہولیات تیار کرنے پر بھی توجہ دے رہے ہیں۔

 شاہ نے کہاضلعی انتظامیہ کولگام اور محکمہ سیاحت کے ساتھ مل کر، ہم نے اس جگہ کو مزید فروغ دینے کے لیے سرمائی کارنیوالوں کا اہتمام کیا ہے اور اسے صرف ایک موسمی مقام کے بجائے سال بھر کی منزل میں تبدیل کرنے کی کوشش کر رہے ہیں۔ انہوں نے سیاحوں پر زور دیا کہ وہ کوڑا کرکٹ کا خیال رکھیں اور اس جگہ کی صفائی اور رونق کو برقرار رکھنے کے لیے کوڑے دان کا استعمال کریں۔