بارہ بنکی (ابوشحمہ انصاری)
آل انڈیا جماعت سلمانی کا ایک اہم اجلاس ضلع انچارج شکیل سلمانی کی صدارت میں منعقد ہوا۔اجلاس کا انعقاد رفیق سلمانی نے کیا۔اس پروگرام کے مہمان خصوصی آل انڈیا جماعت سلمانی کے قومی تنظیمی وزیر ویس سلمانی نے کہا کہ میٹنگ کا بنیادی مقصد تنظیم کو مضبوط کرنا، ضلع کے تمام اسمبلی بلاکس کو وسعت دینا ہے۔
اس موقع پر ضلع صدر حفیظ سلمانی نے کہا کہ پورے ہندوستان میں سلمانی سماج کی تنظیم سازی جاری ہے، سلمانی سماج اپنے جھنڈے تلے تمام پسماندوں کی جنگ لڑتا ہے لیکن سلمانی سماج کو بعض سیاسی جماعتوں کی جانب سے سیاسی شمولیت سے محروم رکھا گیا ہے۔
مجھے امید ہے اب سلمانی سماج اپنے سماج کے لیڈروں کی فہرست تیار کرے گا اور انہیں ہر میدان میں آگے لے جانے کا کام کیا جائے گا۔
اس موقع پر نئے تعینات ہونے والے ضلع سینئر نائب صدر محمد عقیل سلمانی نے کہا کہ کسی بھی معاشرے کو آگے بڑھانے کے لیے معاشرے کے لوگوں میں قوت ارادی کا ہونا بہت ضروری ہے، مل کر ایسا کام کریں جو دیگر معاشروں کے لیے مثال بن جائے۔
اس خصوصی موقع پر مو عقیل سلمانی کو ضلع سینئر نائب صدر، محمد رضوان کو ضلع نائب صدر، شعیب احمد کو ضلع سکریٹری، محمد سائی عرف راجو کو اسپیکر حیدرگڑھ اسمبلی، محمد شفیق کو ڈپٹی سپیکر حیدر گڑھ اسمبلی،
ڈاکٹر اسلام ترویدی گنج بلاک صدر کے طور پر، محمد صابر ترویدی گنج بلاک نائب صدر، مختار احمد ترویدی گنج بلاک جنرل سکریٹری، جمشید سلمانی ترویدی گنج بلاک پبلسٹی منسٹر سمیت درجنوں افراد نے تنظیم کی رکنیت حاصل کی۔ اس موقع پر رئیس عالم سلمانی،محمد صغیر، تنویر، انیس سلمانی وغیرہ سینکڑوں لوگ موجود رہے۔
