Urdu News

مشہور وولر جھیل میں پچاس ہزار سے زیادہ مہمان پرندوں کی آمد

مشہور وولر جھیل میں پچاس ہزار سے زیادہ مہمان پرندوں کی آمد

 ایشیا کی سب سے بڑی میٹھے پانی کی جھیل ولر جھیل میں ولر کنزرویشن اینڈ مینجمنٹ اتھارٹی (ڈبلیو سی ایم اے) کی ابتدائی مردم شماری سے پتہ چلا ہے کہ جھیل پچاس ہزار سے زیادہ پرندوں کی میزبانی کرتی ہے۔ ڈبلیو سی ایم اے کے ایک اہل کار نے بتایا کہ ڈبلیو سی ایم اے نے وولر جھیل میں پرندوں کی مردم شماری کی تھی۔

  انہوں نے کہا کہ مردم شماری میں، پرندوں کے شوقین افراد نے حصہ لیا اور جھیل کے مختص علاقوں میں پرندوں کی کل گنتی کی۔مردم شماری کے دوران پرندوں کی 20 سے زیادہ اقسام جیسے کامن پوچارڈس، رڈی شیلڈکس، گریلاگ گیز اور دیگر کو ریکارڈ کیا گیا ان کا مزید کہنا تھا کہ درست اعداد و شمار مرتب کرنے کے بعد فراہم کیے جائیں گے تاہم مردم شماری کے دوران تقریباً پچاس ہزار سے زائد پرندے ریکارڈ کیے گئے۔

 انہوں نے یہ بھی کہا کہ پرندوں کی گنتی کا مقصد نقل مکانی کرنے والے پرندوں کی آبادی کے اتار چڑھاؤ کے رجحانات پر نظر رکھنا اور مجموعی اعداد و شمار جمع کرنا ہے تاکہ ہندوستان بھر میں پرندوں کی عام گنتی کے ساتھ اسی کو شامل کیا جا سکے۔

Recommended