<h3 style="text-align: center;">یمن میں نئی کابینہ کے طیارے کی ہوائی اڈے آمد پرحملہ،26 افراد ہلاک</h3>
<p style="text-align: center;">At least 26 people have been killed in an attack on a new cabinet plane in Yemen</p>
<p style="text-align: right;">عدن،31دسمبر(انڈیا نیرٹیو)</p>
<p style="text-align: right;">عدن کے اسپتال کے ذریعے کا کہنا ہے کہ دھماکے میں 50 افراد زخمی ہوئے ہیں۔ ہوائی اڈے پر صحافیوں کی ایک بڑی تعداد بھی موجود تھی۔</p>
<p style="text-align: right;">ان میں سے مقامی بلقیس ٹی وی سے وابستہ ایک صحافی ہلاک اور ایک زخمی ہوگیا ہے۔رپورٹر نے ابتدائی اطلاعات کے حوالے سے کہا ہے کہ اس حملے میں یمنی کابینہ کا کوئی وزیر زخمی نہیں ہوا ہے۔</p>

<h4 style="text-align: right;">فرانسیسی خبررساں ایجنسی اے ایف پی</h4>
<p style="text-align: right;">فرانسیسی خبررساں ایجنسی اے ایف پی کے نمایندے نے جائے وقوعہ سے بتایا ہے کہ یمن کی قومی اتحاد کی نئی کابینہ کا طیارہ ہوائی اڈے پر اترنے کے فوری بعد دھماکے ہوئے تھے۔</p>
<p style="text-align: right;">انھوں نے مزید بتایا ہے کہ جب کابینہ کے ارکان طیارے سے اتر رہے تھے تو اس وقت دو دھماکے ہوئے ہیں۔ایک مقامی سیکورٹی ذریعے کا کہنا ہے کہ تین مارٹر گولے ائیرپورٹ کے ہال پر گرے تھے۔</p>

<h4 style="text-align: right;">یمن کے وزیراطلاعات معمرالاریانی</h4>
<p style="text-align: right;">یمن کے وزیراطلاعات معمرالاریانی نے ایران کے حمایت یافتہ حوثی شیعہ باغیوں پر اس حملے میں ملوّث ہونے کا الزام عاید کیا ہے لیکن فوری طور پر کسی گروپ نے اس تباہ کن حملے کی ذمے داری قبول نہیں کی ہے۔</p>
<p style="text-align: right;">حملے کے بعد وزیراعظم معین عبدالمالک سمیت کابینہ کے وزراءاور یمن میں متعیّن سعودی سفیر محمد سعید ال جابر کو باحفاظت شہر کے صدارتی محل میں منتقل کردیا گیا ہے۔</p>
<p style="text-align: right;">یمنی وزیراعظم نے ایک ٹویٹ میں کہا ہے کہ ”عدن کے ہوائی اڈے پر دہشت گردی کی یہ بزدلانہ کارروائی یمنی ریاست اور اس کے عظیم عوام کے خلاف مسلط کردہ جنگ کا حصہ ہے۔“</p>.