نئی دہلی، 15 نومبر (انڈیا نیرٹیو)

بابا صاحب پورندرے کی موت پر تعزیت  کا اظہار کرتے ہوئے مرکزی وزیر داخلہ امت شاہ نے کہا کہ انہوں نے چھترپتی شیواجی مہاراج کی بہادری کی داستانیں نوجوان نسل کے دلوں میں بسائیں۔

شاہ نے پیر کو ایک تعزیتی پیغام میں ٹویٹ کیا، "بابا صاحب پورندرے کے انتقال  کی خبر سن  کر بہت تکلیف ہوئی۔ انہوں نے چھترپتی شیواجی مہاراج  کے عظیم کارناموں   کو عوام تک پہنچانے کا کام کیا۔  ڈرامہ  کے ذریعہ انہوں نے  چھترپتی شیواجی مہاراج کی بہادری کی کہانیوں کو نوجوان نسل کے دلوں میں بسایا۔

شاہ نے مزید کہا، "مجھے کچھ سال پہلے بابا صاحب پورندرے جی سے ملنے کا شرف حاصل ہوا اور ایک طویل بات چیت ہوئی۔ ان کی توانائی اور خیالات واقعی متاثر کن تھے۔ ان کی  موت  ایک دور کا خاتمہ ہے۔ ان کے خاندان اور ان گنت مداحوں سے میری تعزیت۔ایشور انہیں اپنے قدموں میں دے جگہ۔

قابل ذکر ہے کہ بلونت موریشور پورندرے، مشہور تاریخ داں مصنف اور پدم وبھوشن ایوارڈ یافتہ، یعنی بابا صاحب پورندرے کا پیر کی صبح پونے میں انتقال ہوگیا۔ ان کی عمر 99 برس تھی۔