آر جے ڈی کی پوری ریاستی اکائی جے ڈی یو میں ضم، پارٹی صدر للن سنگھ نے کیا خیر مقدم

نئی دہلی? پٹنہ، 27 اکتوبر(انڈیا نیرٹیو)

 بہار کے ضمنی انتخابات میں اپنی پارٹی کو جتانے کی کوشش میں مصروف لالو۔ تیجسوی کو جے ڈی یونے بڑا جھٹکا دیا ہے۔ آر جے ڈی کی پوری گوا یوائنٹ جے ڈی یو میں ضم ہو گئی ہے۔ جے ڈی یو کے صدر للن سنگھ نے ان کا خیر مقدم کیا ہے۔ اس کے ساتھ ہی آر جے ڈی کو ملک کی دیگر ریاستوں تک پھیلانے کی تیجسوی کی کوشش کو جے ڈی یو کے اس اقدام سے بڑا جھٹکا لگا ہے۔

جانکاری کے مطابق گوا آر جے ڈی کے صدر احمد قادر اور دیگر عہدیداروں نے جنتر منتر دہلی میں پارٹی دفتر میں جے ڈی یو کے قومی جنرل سکریٹری آفاق احمد خان کی موجودگی میں ایک پروگرام کا انعقاد کیا، جس میں ریاستی یونٹ کا انضمام ہوا۔ منگل کو جے ڈی یو کی طرف سے جاری ایک بیان میں دعویٰ کیا گیا کہ احمد قادر کی قیادت میں آر جے ڈی کے فرانسس کولاسو، انتھونی پریرا، انوپ سنہا، اشوک جمبوڈکر اور رضیہ شیخ نے پارٹی میں ضم ہو گئے۔جے ڈی یو کی یونٹ صدر جمبوڈکر نائب صدر کے طور پر منتخب ہوئے۔ سنہا کو جنرل سکریٹری اور رضیہ شیخ مہیلا مورچہ کے صدر کے طور پرمقرر ہوئی ہیں۔