بہار کابینہ کی میٹنگ کا انعقاد وزیر اعلی نتیش کمار کی قیادت میں ہوئی۔ وزراکونسل کے آج کے اجلاس میں کل 23 ایجنڈوں کی منظوری دی گئی۔ کابینہ نے جے پی سمان یوجنا کے تحت پنشن کی شرحوں میں اضافہ کرنے کی تجویز منظور کی ہے۔ بہار قانون ساز اسمبلی اور قانون ساز کونسل کے سرمائی اجلاس کے پروگرام کو منظوری دے دی گئی ہے۔ ریاستی حکومت نے یکم جنوری 2020 سے 30 جون 2021 کی مدت کے دوران ریٹائرڈ ریاستی ملازمین کو جمع شدہ چھٹی کے بدلے نقد رقم کے حساب کتاب کے لیے مہنگائی الاؤنس کی بڑھی ہوئی شرح کو منظوری دے دی ہے۔ اس کے ساتھ ہی یکم جولائی 2021 سے سرکاری ملازمین، پنشنروں، فیملی پنشنروں کو 28 فیصد کی بجائے 31 فیصد مہنگائی الاؤنس دینے کی منظوری دی گئی ہے۔
بہار قانون ساز اسمبلی کے اسپیکر، ڈپٹی اسپیکر اور وہپ کے لیے 6 گاڑیوں کی خریداری کے لیے کنٹیجنسی فنڈ سے ایک کروڑ 13 لاکھ روپے خرچ کرنے کی منظوری دی گئی ہے۔ کشن گنج صدر اسپتال کی ڈاکٹر انیتا کماری کو 2016 سے غیر حاضر رہنے کی وجہ سے ملازمت سے برخاست کر دیا گیا ہے۔ ساتھ ہی کٹیہار صدر اسپتال کے ڈاکٹر سنجے کمار گپتا کو بھی ملازمت سے برخاست کر دیا گیا ہے۔ اس کے علاوہ پروبیشنری جوڈیشل مجسٹریٹ سپریہ گوسوامی کو بھی فوری اثر سے ملازمت سے معطل کر دیا گیا ہے۔ ساتھ ہی محکمہ کے تحت پیرپینتی میں تھرمل پاور سکیم کے ساتھ انرجی، اب سولر انرجی پراجیکٹ کے لیے منظوری دی گئی ہے۔ محکمہ شہری ترقیات کے تحت امتحان ہال کی تعمیر کے لیے قواعد میں ترمیم کی گئی ہے۔ دربھنگہ ایمس کے لیے 22 ہیکٹرزمین کی مفت منتقلی کی گئی ہے۔
پٹنہ ہائی کورٹ میں ٹرانسفر ججوں اور ترقی پانے والے ججوں کے استعمال کے لیے 8 نئی گاڑیوں کی خریداری کے لیے بہار کنٹیجنسی فنڈ سے پیشگی منظوری دی گئی ہے۔ شہری علاقوں سے ملحقہ دیہی علاقوں کی ترقی کے لیے 20 منصوبہ بندی والے علاقوں کی منظوری دی گئی ہے۔ بکسر، کشن گنج، کٹیہار، سہسرام، دہری، موتیہاری، اورنگ آباد، حاجی پور، جموئی، سیوان، بتیا، بگہا، لکھی سرائے، کھگڑیا، ارریہ، فاربس گنج، سیتامڑھی، بھبھوا، مدھوبنی اور شیوہر پلاننگ ایریا۔ بہار فوڈ سیفٹی سروس مینول (ترمیم) 2021 کی تشکیل کے لیے وزراکی کونسل کی منظوری دی گئی ہے۔ مہیلا چرکھا کمیٹی کدم کنواں میں پروڈکشن و ٹریننگ سنٹر کی عمارت کی تعمیر کے لیے بہارایمرجنسی فنڈ کے ذریعے 8 کروڑ 72 لاکھ 44000 روپے کی گرانٹ کی منظوری دی گئی ہے۔
