بی جے پی نے مغربی بنگال تشدد پر ملک گیر احتجاج کا اعلان کیا

بی جے پی کا مغربی بنگال میں اُس کے پارٹی کارکنوں پر ہوئے تشدد کے خلاف ملک گیر دھرنے کا اعلان۔بی جے پی نے مغربی بنگال میں چناؤ نتیجوں کے بعد اُس کے پارٹی کارکنوں پر بڑے پیمانے پر ہوئے تشدد کے خلاف کل ملک گیر دھرنے کا اعلان کیا ہے۔

پارٹی نے کہاہے کہ احتجاج کے دوران بی جے پی کے سبھی تنظیمی منڈلوں میں کووڈ کے سبھی پروٹوکول پر سختی سے عمل کیا جائے گا۔ 

پارٹی صدر جے پی نڈا چناؤ نتیجوں کے بعد ریاست میں بڑے پیمانے پر ہوئے تشدد کے پیش نظر آج مغربی بنگال کا دورہ کریں گے۔ اس تشدد میں بی جے پی کے بہت سے کارکن اور حمایت کرنے والے افراد ہلاک اور زخمی ہوگئے تھے۔ جناب نڈا متاثر پارٹی کارکنوں کے اہل خانہ سے ملیں گے۔