ریلائنس انڈسٹریز کے 44 ویں اے جی ایم اجلاس پر کاروباری دنیا کی نظریں

نئی دہلی ، 25جون (انڈیا نیرٹیو)

کاروباری دنیا کی نگاہیں جمعرات کو دوپہر 2 بجے شروع ہونے والی ریلائنس انڈسٹریز لمیٹڈ کی سالانہ جنرل میٹنگ (اے جی ایم) پر مرکوزر ہیں۔ خیال کیا جاتا ہے کہ آج کے اے جی ایم میں ، سعودی آرامکو ڈیل ، 5 جی سروس شروع کرنے کے لیے ٹائم لائن ، 5 جی فون اور جیو بک لیپ ٹاپ کے بارے میں بڑے بڑے اعلانات ہوسکتے ہیں۔

اس سالانہ جنرل میٹنگ سے عین قبل ، ریلائنس انڈسٹریز کی ایک اور حوصلہ افزا خبر منظر عام پر آگئی ہے۔ اس خبر کے مطابق عالمی ریٹنگ ایجنسی فِچ نے ریلائنس انڈسٹریز کی غیر ملکی کرنسی کی درجہ بندی میں اضافہ کرکے بی بی بی کردیا ہے۔ وہیں ریلائنس انڈسٹریز کا مقامی کرنسی کا نظریہ برقرار رکھا گیا ہے۔

بتایا جارہا ہے کہ تیل سے کیمیائی (او-2-سی ) کاروبار سے متعلق آج کے اے جی ایم میں ایک بڑا اعلان کیا جاسکتا ہے۔ آج کے اے جی ایم میں اس کاروبار کے ڈی انضمام سے متعلق نیشنل کمپنی لاء ٹریبونل (این سی ایل ٹی) کی منظوری کے بارے میں بھی تازہ معلومات دی جاسکتی ہے۔ قابل ذکر ہے کہ ریلائنس انڈسٹریز نے رواں سال فروری میں اپنے او-2-سی کاروبار کے ڈی انضمام کا اعلان کیا تھا۔ کمپنی کی جانب سے کہا گیا تھا کہ ڈی انضمام سے او -2-سی کاروبار میں نئے مواقع تلاش کرنے میں مدد ملے گی۔

 ریلائنس نے اس کاروبار کے لیے ایک نیا ذیلی ادارہ بنانے کے بارے میں بھی بات کی تھی۔ ریلائنس انڈسٹریز کی جانب سے بتایا گیا تھا کہ نیا ماتحت ادارہ تشکیل پانے کے بعد پی 2 کیمیکل ، گیس اور ایندھن کی خوردہ فروخت کے کام کو او -2-سی کاروبار میں شامل کیا جائے گا۔