نئی دہلی، 07 اکتوبر (انڈیا نیرٹیو)

بھارتیہ جنتا پارٹی (بی جے پی) نے تین لوک سبھا اور 16 اسمبلی نشستوں کے امیدواروں کے ناموں کا اعلان کیا ہے۔ پارٹی نے مدھیہ پردیش کی کھنڈوا لوک سبھا سیٹ پر ہونے والے ضمنی انتخابات میں دنیشور پاٹل، دادرا اور نگر حویلی لوک سبھا سیٹ سے مہیش گاویت کو اور ہماچل کی منڈی سیٹ سے بریگیڈیئر خوشال ٹھاکر کو امیدوار قرار دیا ہے۔

بی جے پی کی مرکزی الیکشن کمیٹی نے جمعرات کو لوک سبھا اور اسمبلی ضمنی انتخابات کے لیے امیدواروں کے ناموں کی منظوری دے دی۔

امیدواروں کے ناموں کا اعلان کرتے ہوئے بی جے پی کے جنرل سکریٹری ارون سنگھ نے کہا کہ پارٹی نے پونتھلا سریش کو آندھرا پردیش کی بارول (ایس سی) اسمبلی سیٹ سے امیدوار قرار دیا ہے۔ گووند کنڈا کو ہریانہ کی ایلن آباد سیٹ سے امیدوار بنایا گیا ہے۔

 ہماچل پردیش کی فتح پورسیٹ سے بلدیو ٹھاکر،آکی نشست سے رتن سنگھ پال، جبل کوٹکھے سیٹ سے نیلم سرائک کو ٹکٹ دیاگیاہے۔

کرناٹک کی سندھگی سیٹ سے رمیش بھوشنرو اور ہنگل اسمبلی سیٹ سے شیوراج سجنار کو امیدوار قرار دیا گیا ہے۔

مدھیہ پردیش کی پرتھوی پور سیٹ سے ڈاکٹر شیشوپال سنگھ یادو، رائے گاؤں سے پرتیماباگڑی (ایس سی)، جابٹ سے سلوچنا راوت (ایس ٹی) کو امیدوار قرار دیا گیا۔راجستھان کی ولبھ نگر اسمبلی سیٹ سے ہمت سنگھ جھالا، دھاریواڑ (ایس ٹی) سے کیت سنگھ مینا کو ٹکٹ دیا گیا ہے۔

وہیں مغربی بنگال میں اشوک منڈل دنہٹہ سیٹ سے، شانتی پور سے نرنجن بسواس، کرداہا سے جوئی ساہا اور پالش رانا گوسابا (ایس سی) کو میدان میں اتارا ہے۔قابل ذکر ہے کہ ان تمام لوک سبھا اور اسمبلی نشستوں پر ضمنی انتخابات 30 اکتوبر کو ہوں گے۔