مرکزی قیادت نے سینئر رہنماؤں ارون کمار اور دھرمیندر پردھان کو بطور مبصر بنگلور بھیج دیا

کرناٹک میں طویل جدوجہد کے بعد یدیورپا کے استعفیٰ دینے کے بعد بھی، بھارتیہ جنتا پارٹی کی مرکزی قیادت نے ابھی تک ا ن کے  جانشین کے نام کا انکشاف نہیں کیا ہے۔ کرناٹک میں بی جے پی کے لئے نئے وزیر اعلی کے نام کا فیصلہ کرنا آسان نہیں ہے۔ مرکزی قیادت لنگایت برادری کے وزیر اعلیٰ کے علاوہ کسی اور کو بنانے پر غور کر سکتی ہے، لیکن اتوار کے روز لنگایت رہنماؤں کے انتباہ سے بی جے پی کے کان کھڑے ہو گئے ہیں۔ بی جے پی ہائی کمان نے پارٹی کے سینئر رہنماؤں ارون کمار اور دھرمیندر پردھان کو بطور مبصر بنگلورو بھیج دیا ہے۔ وہ دونوں آج شام پارٹی کے اراکین اسمبلی کے ساتھ میٹنگ کرکے  ان کے من کو ٹٹولنے کی کوشش کریں گے۔ خیال کیا جاتا ہے کہ اس بارے میں فیصلہ لینے میں ایک یا دو دن لگ سکتے ہیں۔

یدیورپا نے بی جے پی کی مرکزی قیادت کے اشارے کے بعد پیر کو اپنی کرسی ترک کردی ہے۔ بی جے پی کے لئے ریاست میں یدیورپا کا جانشین منتخب کرنا مشکل ثابت ہو رہا ہے۔ یدیورپا کے استعفیٰ دینے کے بعد، ریاست میں اگلے وزیر اعلی کی حیثیت سے بہت سارے نام سامنے آئے ہیں۔ بی جے پی کے سامنے پارٹی کا سب سے بڑا ووٹ بینک بھی ویرشیو – لنگایت برادری کو ناراض ہونے سے بچانا ہے۔ اس برادری کی آبادی ریاست کی آبادی کا تقریبا 16  فیصد ہے۔ یدیورپا بھی اسی کمیونٹی سے ہیں۔ ایسی صورتحال میں لنگایت ووٹ بینک  کو بچائے رکھنا بھی بی جے پی کے لئے ایک چیلنج ہے۔

بی جے پی کے ریاستی معدنی وزیر ایم آر نیرانی، ریاستی وزیر داخلہ بسوراج بومائی اور یوتھ لیڈر اروند  ہبلی۔دھارواڑ مغربی اسمبلی سیٹ سے دو بار ایم ایل اے رہ چکے اروند بیلاد کا نام چل رہا ہے۔ اسی طرح برہمن لابی سے پاڑی کیقومی اور جوائنٹ سکریٹری بی ایل سنتوش،مرکزی  وزیر پرہلاد جوشی اور موجودہ میں اسمبلی اسپیکر وشویشور ہیگڑے کگیری کا نام آگے ہے۔ اس کے علاوہ وکالیگا برادری سے سی ٹی روی جو موجودہ میں پارٹی کے قومی جنرل سکریٹری بھی ہیں اور موجودہ میں نائب وزیر اعلیٰ  ڈاکٹر اشوتھ نارائن کا بھی نام چلنے کی بحث ہے ۔

   دریں اثنا، بی جے پی سنٹرل ہائی کمان نے پارٹی کے ممبران اسمبلی کے خیالات جاننے کے لئے دو سینئر قائدین ارون کمار اور سابق مرکزی وزیر دھرمیندر کو مبصر کی حیثیت سے بنگلورو روانہ کیا ہے۔ یہ دونوں رہنما آج شام کے ایک ہوٹل میں پارٹی کے اراکین اسمبلی کے ساتھ میٹنگ کر کے پارٹی ایم ایل اے کے من کی بات جاننے کی کوشش کریں گے۔ خیال کیا جاتا ہے کہ اس کے بعد یہ دونوں مبصرین اپنی رائے  پارٹی   ہائی کمان کو دیں گے، اس کے بعد بھی وزیر اعلی کے عہدے کے لئے ایک نام منتخب کیا جائے گا۔