نائب وزیر اعلیٰ تار کشور پرساد نے آرجے ڈی لیڈر کے اہل خانہ سے ملاقات کی ، کہا قصور وار نہیں بخشا جائے گا

پٹنہ / کٹیہار ، 04 اپریل (انڈیا نیرٹیو)

راشٹریہ جنتا دل ( آر جے ڈی) کے لیڈر نرمل ببونا کے اہل خانہ سے ملاقات اتوار کے روز نائب وزیر اعلیٰ نے کی۔ کہا کہ اس قتل کے ملزم کو کسی بھی حالت میں بخشا نہیں جائے گا۔ سخت سے سخت کارروائی کی جائے گی۔ 

اس موقع پر نامہ نگاروں سے گفتگو کرتے ہوئے  نائب وزیر اعلیٰ تار کیشور پرساد نے بتایا کہ کٹیہارکے سالماری تھانہ علاقہ کے کالی مندر کے قریب بدمعاشوں کے ذریعہ فائرنگ کرکے آرجے ڈی لیڈر نرمل ببونا کا قتل کئے جانے کی اطلاع ملی ہے۔ انہوں نے نرمل ببونا کے اہل خانہ سے ملاقات کے دوران افسوس کا اظہار کرتے ہوئے کہا کہ اس واردات کو انجام دینے والے کو کسی بھی قیمت میں بخشا نہیں جائے گا۔ آرجے ڈی لیڈر نرمل ببونا سیاست اور کاربار کے میدان میں سرگرم تھے۔ 

انہوں نے کہا کہ چاہے کوئی بھی ہو، اس واقعہ کے ملزم  کسی بھی صورت میں بخشے نہیں جائیں گے۔ اس موقع پر کٹیہار کے پولیس سپرنٹنڈنٹ کو ہدایت کرتے ہوئے انہوں نے کہا کہ فوری کارروائی کرتے ہوئے اس بے رحمانہ قتل  معاملہ  میں ملوث مجرموں کی تیزی سے تحقیقات کی جانی چاہیے اور قصوروار ملزمان کے خلاف سخت کاروائی کو یقینی بنانے کے لیے جلد سے جلد مقدمات چلائے جائیں۔

اس موقع پر بہار قانون ساز کونسل کے ممبر اشوک اگروال ، پولیس سپرنٹنڈنٹ وکاس کمار ، پولیس افسران اور درجنوں کارکن اور مقامی شہری موجود تھے۔