الیکشن کمیشن نے ایف آئی آر کے اندراج کا حکم دے کر تحقیقات شروع کی

کریم گنج ، 02 اپریل (انڈیا نیرٹیو)

جنوبی آسام کے پتھرکندی میں جمعرات کو ووٹنگ ختم ہونے کے بعد بی جے پی کے ایم ایل اے کی بولیرو گاڑی سے ای وی ایم ملنے کے معاملے پر الیکشن کمیشن نے چار حکام کو معطل کردیا ہے۔ نیز چاروں پولنگ اہلکاروں کے خلاف ایف آئی آر درج کرنے کے احکامات جاری کردیئے گئے ہیں۔ وہیںاس کی ویڈیو وائرل ہونے کے بعد ، الزامات اور جوابی الزامات کا دور شروع ہوگیا ہے۔ 

جمعرات کو ووٹنگ کے دوسرے مرحلے کے اختتام کے کچھ ہی گھنٹوں بعد ایک ویڈیو وائرل ہوئی ، جس کی بنیاد پر بولیرو میں بی جے پی کے ایم ایل اے اور پتھرکندی کے امیدوار کرشنیندو پال پرر ای وی ایم لے جانے کا الزام لگا۔ اگرچہ بی جے پی کے ایم ایل اے نے کہا ہے کہ ان کا اس معاملے سے کوئی لینا دینا نہیں ہے۔ انہوں نے کہا ہے کہ ای وی ایم کا تعلق رٹاباری اسمبلی حلقہ سے ہے جب کہ میرا حلقہ پتھرکندی ہے۔ ای وی ایم لے جانے والے پولنگ اہلکاروں نے بتایا ہے کہ ان کی گاڑی گذشتہ رات ضلع کریم گنج کے نیلم بازار تھانہ قومی شاہراہ پر خراب ہوگئی تھی۔اس کی اطلاع ڈسٹرکٹ آفیسر کریم گنج پولیس اسٹیشن کو دی گئی تھی ۔ کافی دیر تک شاہراہ پر انتظامیہ کی گاڑی کا انتظار کرنے کے بعد بھی گاڑی نہیں پہنچی۔

پولنگ اہلکاروں نے بتایا کہ ای وی ایم کے لئے سڑک پر کھڑا ہونا ایک بہت بڑا خطرہ تھا۔ ادھر ، وہ نجی گاڑی سے لفٹ لینے کے بعد ای وی ایم لے کرروانہ ہوگئے۔ دریں اثنا ، مقامی لوگوں نے نجی گاڑی میں ای وی ایم کو دیکھ کر ہنگامہ کھڑا کردیا اور ویڈیو وائرل کردی۔ لوگوں کی ہنگامہ آرائی پر ضلعی آفیسر ، پولیس سپرنٹنڈنٹ موقع پر پہنچے اور لوگوں کو راضی کرنے کی کوشش کی۔ جب لوگ راضی نہیں ہوئے تو پولیس نے دو راونڈ ہوائی فائرنگ بھی کی جس کے بعد صورتحال معمول کے مطابق ہوگئی۔

لوگوں کا الزام ہے مذکورہ بولیرو میں، ایم ایل اے کرشنینڈو پال کا بھائی موجودتھا۔بھائی کے مطابق پولنگ اہلکاروں کو شاہراہ کے کنارے گاڑی کے ساتھ کھڑا دیکھ کر انہیں شک ہوا کہ کچھ ٹھیک نہیں ہے۔ انہوں نے پولنگ اہلکاروں سے پوچھا کہ وہ یہاں کیا کررہے ہیں ، اور پولنگ اہلکاروں نے بتایا کہ ان کی گاڑی خراب ہو گئی ہے۔ متعلقہ حکام کو اس کے بارے میں بتایا گیا ہے ، لہذا گاڑی کا انتظار کیا جارہا ہے۔ اس پر ایم ایل اے کے بھائی نے ای وی ایم اپنی گاڑی میں رکھنے کو کہا۔ بعد ازاں پولنگ عملہ کے ایم ایل اے کی بولیرو گاڑی (اےےس- 10 بی 0022) میں سوارہوکر روانہ ہو گئے. ادھر ، ایم ایل اے کی گاڑی میں ای وی ایم کو دیکھ کر مقامی لوگوں نے ہنگامہ برپا کردیا۔ مقامی لوگ ایم ایل اے کی گاڑی کو بخوبی جانتے تھے۔

کانگریس کے قومی جنرل سکریٹری پرینکا گاندھی واڈرا ، ممبر پارلیمنٹ پردیوت باردلائی ، رکن پارلیمنٹ گورو گوگوئی ، آسام پارٹی کے انچارج جتیندر سنگھ سمیت متعدد قومی رہنماؤں نے ٹویٹر کے ذریعے وائرل ویڈیو شیئر کی ہے۔ پرینکا گاندھی واڈرا نے بھی الیکشن کمیشن سے ای وی ایم کے استعمال پر سنجیدگی سے جائزہ لینے کی اپیل کی ہے۔ واڈرانے ٹویٹ کرکے ان الزامات کے حوالے سے سنجیدہ کارروائی کرنے کا الیکشن کمیشن سے مطالبہ کیا ہے۔ انہوں نے کہا ہے کہ ہر بار ایسے ہی معاملات پیش آتے ہیں۔ گاڑیاں بی جے پی کے قائدین کی ہوتی ہیں۔ ویڈیو کو بعد میں غلط قرار دے کر مسترد کردیا جاتاہے۔ یہ ایک سنجیدہ معاملہ ہے۔