اٹھارہ سال کے تمام لوگوں کو دیں گے مفت ویکسین ، ملک بھر میں لاگو ہو ویکسین کی ایک قیمت : کیجریوال

نئی دہلی ، 26 اپریل (انڈیا نیرٹیو)

دہلی حکومت قومی دارالحکومت میں مقیم تمام 18 سالہ بچوں کو ویکسین کے لیے مفت انتظامات کرے گی۔" یہ بات پیر کو وزیر اعلیٰ اروند کیجریوال کے جاری کردہ ایک حکم میں بتائی گئی۔ نیز ، اس دوران انہوں نے ملک بھر میں ویکسین کی ایک ہی قیمت رکھنے کی درخواست کی۔

وزیر اعلیٰ اروند کیجریوال نے کہا کہ 'یہ دیکھا گیا ہے کہ جن لوگوں کو ٹیکے لگائے گئے ہیں انہیں کورونا بیماری کی وجہ سے موت کا خطرہ کم ہے۔ اس کی وجہ سے ، دہلی حکومت نے تمام بالغوں کو مفت ٹیکے لگانے کا فیصلہ کیا ہے۔ اس کے لئے ، ہم نے ایک کروڑ 34 لاکھ ویکسین خریدنے کی منظوری دی ہے۔ ہم بندوبست کر رہے ہیں کہ دہلی میں ویکسی نیشن کا عمل جلد از جلد شروع کیا جاسکے ۔

اس کے ساتھ ہی ، وزیر اعلی نے پورے ملک میں ویکسین کی ایک ہی قیمت برقرار رکھنے کا مطالبہ کیا ہے۔ وزیراعلیٰ کا کہنا ہے کہ 'ایسا معلوم ہوا ہے کہ ایک ویکسین بنانے والی کمپنی نے کہا ہے کہ ہم ریاستوں کو یہ ویکسین چار سو میں دیں گے ،وہیں دوسرے نے کہا ہے کہ ہم اسے چھ سو میں دیں گے۔ جبکہ مرکزی حکومت کو ایک سو پچاس میں دستیاب کرائی جائے گی ۔ میرا مطالبہ یہ ہے کہ بحران کے وقت ، ہر جگہ ویکسین ایک ہی قیمت پر دستیاب ہونی چاہئے۔ میں ویکسین بنانے والوں سے درخواست کرتا ہوں کہ پوری زندگی پڑی ہے نفع کمانے کے لئے ۔'

وزیر اعلیٰ نے مزید کہا کہ 'یہ دیکھا جاتا ہے کہ 18 سال سے بھی کم عمر کے لوگوں کی اس بیماری کی وجہ سے موت ہو رہی ہے۔ تو میں اس موضوع پر دھیان دلانا چاہتا ہوں کہ ان کے لئے بھی سوچا جائے اگر یہ ویکسین انہیں لگ سکتی ے تو لگائی جائے نہیں تو دوسری ویکسین تیار کرنے کی جانب دھیان دیا جائے ۔

قابل ذکر ہے کہ دہلی کے کورونا سے ہونے والی اموات رکنے کا نام نہیں لے رہی ہے۔اتوار کو جاری کردہ اعداد و شمار کے مطابق ، دہلی میں گذشتہ 24 گھنٹوں کے دوران 350 افراد ہلاک ہوگئے ہیں۔ جب کہ ہفتے کے روز 357 افراد اس وائرس کی وجہ سے ہلاک ہوگئے تھے۔ تاہم ، پچھلے کچھ دنوں میں کورونا انفیکشن کی تعداد میں کوئی اضافہ نہیں ہوا ہے۔ اس آفت سے متاثرہ افراد کی تعداد 22,933 رہی۔ انفیکشن کی شرح 30.21 فیصد تھی۔ اس وقت قومی دارالحکومت میں سرگرم معاملات کی تعداد 94,592 ہے۔