نئی دہلی،یکم جولائی 2022/

مرکزی حکومت نے اپنی جانوں سے ہاتھ دھو بیٹھے 35 صحافیوں کے خاندانوں کو مالی امداد فراہم کرنے کے لیےایس ایچ اپوروا چندرا ، سکریٹری، اطلاعات و نشریات کی وزارت، کی سربراہی میں صحافیوں کی فلاح و بہبود کی اسکیم کمیٹی کی ایک تجویز کو منظوری دے دی ہے۔ اس میں صحافیوں کی فلاح و بہبود کی اسکیم (جے ڈبلیو ایس) کے تحت کووڈ-19 کی وجہ سے مرنے والے 16 صحافیوں کے خاندان شامل ہیں۔ خاندانوں کو 5 لاکھ روپے تک کی امداد فراہم کی جائے گی۔

جے ڈبلیو ایس کمیٹی نے مستقل معذوری کا شکار دو صحافیوں اور پانچ صحافیوں کو جے ڈبلیو ایس کے رہنما خطوط کے مطابق بڑی بیماریوں کے علاج کے لیے مدد کی بھی سفارش کی۔ کمیٹی نے میٹنگ کے دوران مجموعی طور پر  1.81 کروڑ روپے کی امداد کی منظوری دی ہے۔

اب تک اس سکیم کے تحت 123 صحافیوں کے  خاندانوں کو امداد فراہم کی جا چکی ہے جو کووڈ-19 کی وجہ سے اپنی جانیں گنوا چکے ہیں۔ موجودہ منظوریوں کے ساتھ، موجودہ میٹنگ میں کل 139 خاندانوں کو امداد فراہم کی گئی ہے۔

اس اسکیم کے تحت صحافی کی موت شدید مشکلات کا باعث بن جانے کے سبب صحافیوں کے خاندانوں کو 5 لاکھ روپے تک کی مالی امداد فراہم کی جاتی ہے۔ صحافیوں کو مستقل معذوری، سنگین حادثات اور صحت کی بڑی بیماریوں کے ہونے کی صورت میں بھی مدد فراہم کی جاتی ہے۔

گزشتہ مالی سال کے دوران 134 صحافیوں اور ان کے اہل خانہ کو مختلف زمروں کے تحت 6.47 کروڑ روپے کی امداد فراہم کی گئی۔

جے ڈبلیو ایس کمیٹی کی میٹنگ میں شری جے دیپ بھٹناگر، پرنسپل ڈائرکٹر جنرل، پی آئی بی، شری وکرم سہائے، جوائنٹ سکریٹری (آئی اینڈ بی) اور کمیٹی کے صحافی نمائندوں نے شرکت کی۔ سنتوش ٹھاکر، جناب امیت کمار، جناب اومیشور کمار، محترمہ سرجنا شرما، جناب راج کشور تیواری اور جناب گنیش بشت نے شرکت کی۔

صحافی اور ان کے اہل خانہ پی آئی بی کی ویب سائٹ https://accreditation.pib.gov.in/jws/default.aspx پر جرنلسٹ ویلفیئر سکیم (جے ڈبلیوایس) کے تحت مدد کے لیے درخواست دے سکتے ہیں۔