وزیر داخلہ نے گجرات اور مہاراشٹر کے وزرائےاعلیٰ کے ساتھ سمندری طوفان کی  تیاریوں کا جائزہ لیا

مرکزی وزیر داخلہ امت شاہ نے آج گجرات اور مہاراشٹر کے وزرائےاعلیٰ اور دمن و دیو اور دادر و نگر حویلی کے ایڈمنسٹریٹرس کے ساتھ ایک جائزہ میٹنگ کی صدارت کی۔ یہ میٹنگTaukte سمندری طوفان کی وجہ سے پیدا ہونے والی صورتحال سے نمٹنے کے لئے ریاستوں ، مرکز کے زیر انتظام علاقوں، مرکزی وزارتوں اور متعلقہ ایجنسیوں کی تیاریوں کا جائزہ لینے کے لیے منعقد کی گئی تھی۔ 

میٹنگ میں وزیر داخلہ نے اُن علاقوں میں سبھی صحت سہولیات کی تیاریوں، خاص طور پر سبھی کووڈ اسپتالوں، لیباریٹریز، ویکسین کولڈ چین اور دیگر طبی سہولیات کا جائزہ لیا،جہاں اِس سمندری طوفان کے اثرات رونما ہوسکتے ہیں۔ 

وزارت داخلہ نے سبھی ساحلی ریاستوں کو پہلے سے ہیSDRF کی پہلی قسط جاری کر دی ہیں۔NDRF نے چھ ریاستوں میں 42 ٹیموں کو پہلے سے ہی تعینات کر دیا ہے جن کے پاس کشتیاں، پیڑ کاٹنے کی مشینیں اور ٹیلی کام آلات ہیں۔ اس کے علاوہ مزید 26 ٹیموں کو بھی تیار کیا ہوا ہے۔