ابوشحمہ انصاری، سعادت گنج،بارہ بنکی

آج بتاریخ 2/ شوال المکرم بروز بدھ صبح دس بجے جمعیت سعادۃ العلماء کے اراکین مولانا عمرممتاز ندوی صاحب کی دعوت پر انہیں کے مکان پر جمع ہوئے۔ مولانا نے تمام اراکین کا خوشدلی اور فراخدلی سے استقبال کے ساتھ ساتھ عمدہ میزبانی کے فرائض انجام دئے۔ اس موقع پر جمعیت کے زیر اہتمام شروع ہونے والے شبینہ مکتب کے بارے میں باہمی مشورہ ہوا۔

جلد ہی ایک استاد کا انتخاب کرکے قصبہ سعادت گنج کے محلہ پکڑیا کی مرکز مسجد میں قرآن کی تعلیم کا انتظام کیا جائے گا۔ (ان شاءاللہ) دعا فرمائیں اللہ تعالیٰ آسانی کا معاملہ فرمائے۔ آمین یارَبَّ العَالمین۔

میٹنگ میں مفتی محمد عارف کاشفی (سرپرست) ، مولانا محمد اسلام قاسمی (صدر) ، مولانا فرمان مظاہری (نائب صدر) ، مولانا عمر ممتاز ندوی (معاون سکریٹری) ، مولانا محمد اختر قاسمی (خازن) ، مولانا عمرعبداللہ قاسمی (معاون خازن) ، مولانا محمد صالح قاسمی ، مولانا ضیاء الدین قاسمی ، مولانا محمدفرقان قاسمی ، حافظ محمد نفیس ، حافظ محمدعفان کی شرکت قابل ذکر ہے۔