جموں و کشمیر  انٹرپرینیور شپ ڈیولیپمنٹ انسٹی ٹیوٹ  بڈگام میں  28 خود روزگار کے خواہشمندوں نے تیجسوینی اسکیم کے تحت دو بیک ٹو بیک انٹرپرینیورشپ ڈیولپمنٹ پروگرام  میں اپنی تربیت مکمل کی۔  ان پروگرام کا انعقاد جموں و کشمیر انٹرپرینیورشپ ڈیولپمنٹ انسٹی ٹیوٹ (جے کے ای ڈی آئی) ڈسٹرکٹ سنٹر، بڈگام میں 18 مارچ سے 07 اپریل 2022 تک کیا گیا جس میں 18 سے 35 سال کی عمر کے اندر کی 28 خواتین کو خود روزگار اور انٹرپرینیورشپ کے لیے تربیت دی گئی۔

امیدواروں کو مشن یوتھ جے اینڈ کے کی تیجسوینی – دی ریڈینٹ اسکیم کے تحت خدمات اور زراعت سے متعلق سرگرمیوں کے لیے تربیت دی گئی۔  منصوعی  طریقوں پر مبنی ہر تربیتی پروگرام 10 دن تک جاری رہا اور تربیت حاصل کرنے والوں کو کاروبار کی بنیادی تربیت فراہم کی گئی تاکہ وہ بڈگا کے مختلف حصوں میں  چھوٹے کاروباری منصوبے جیسے جوتے کے خوردہ دکانیں، ریڈی میڈ گارمنٹس، بوتیک، سیلون، الیکٹریکل گڈ، پروویژنل اسٹورز، پشمینہ ویونگ اور ڈیری فارمز قائم کر سکیں۔

تربیت یافتہ نوجوانوں کا تعلق ضلع بڈگام کے بیرواہ، چاڈورہ، سوئیبگ، سیبدان، ماگام وغیرہ سے تھا۔ تربیت یافتہ افراد کا ضلع بڈگام میں کامیاب کاروباری منصوبوں کا دورہ بھی تربیتی پروگرام کا حصہ تھا۔جموں وکشمیر  بینک اور ڈسٹرکٹ ایمپلائمنٹ اینڈ کونسلنگ سنٹر، بڈگام کے عہدیداروں کو بطور گیسٹ فیکلٹی مدعو کیا گیا تاکہ شرکاء ٹرینیز کو روزی روٹی پیدا کرنے کی اسکیم کے مختلف پہلوؤں کے بارے میں آگاہ کیا جا سکے۔

ترقیاتی  انسٹی ٹیوٹ  کی طرف سے سپانسر کردہ ایک کامیاب کاروباری شخص کے ساتھ بات چیت اور تجربے کا اشتراک بھی ان نوجوان خواہشمندوں کو خود روزگار کی طرف ترغیب دینے کے پروگرام کا حصہ تھا۔ پروگرام کو جے کے ای ڈی آئی ڈسٹرکٹ سنٹر، بڈگام نے مربوط کیا جبکہ ٹرینرز کی ایک ٹیم نے تربیت دی جس میں اشان قادر، کمیونیکیشن ایسوسی ایٹ، وسیم راجہ، اسسٹنٹ فیکلٹی اور بلال احمد ڈار، اسسٹنٹ فیکلٹی شامل تھے۔

تیجسوینی اسکیم 18-35 سال کی عمر کی خواتین کے لیے کم از کم 10ویں پاس اور اس سے اوپر کی اہلیت کے ساتھ روزی روٹی پیدا کرنے کی ایک حسب ضرورت اسکیم ہے۔