ایل پی جی صارفین کے لیے ریفل بکنگ پورٹیبلٹی کی منظوری دی گئی
چنڈی گڑھ ، کوئمبٹور ، گروگرام ، پونے اور رانچی میں جلد شروع ہوگی یہ سہولت
مرکزی حکومت نے ایل پی جی صارفین کو کسی بھی گیس ڈسٹریبیوٹر سے سلنڈر بھرنے کی نئی سہولت کا تحفہ دیتے ہوئے ری فل بکنگ پورٹیبلٹی کو منظوری دے دی ہے۔ صارف اپنی آئل مارکیٹنگ کمپنی کے ڈسٹریبیوٹر کی سہولت سے مطمئن نہیں ہونے پراس کی جگہ کسی دوسرے ڈسٹریبیوٹر کو منتخب کر سکتا ہے۔کوئی بھی گیس ڈسٹریبیوٹراب اسے انکار نہیں کر سکے گا۔
جمعرات کے روز وزارت پٹرولیم اور قدرتی گیس نے کہا کہ سب کے لئے توانائی کو قابل رسائی بنانے اور کفایتی بنانے کے وزیر اعظم نریندر مودی کے نظریے اور ایل پی جی صارفین کو مزید بااختیار بنانے کے وژن کے مطابق ، ایل پی جی صارفین کو یہ فیصلہ کرنے کی اجازت دینے کا فیصلہ کیا گیا ہے کہ وہ کس ڈسٹریبیوٹر سے ایل پی جی ری فل کرانا چاہتے ہیں۔
وزارت کے مطابق صارفین اپنی آئل مارکیٹنگ کمپنی (او ایم سی) کے ان ڈیلیوری ڈسٹریبیوٹر میں سے کسی کا انتخاب کرسکیں گے جو ان کے علاقے میں ایل پی جی تقسیم کرتا ہے۔ پائلٹ مرحلے میں یہ منفرد سہولت گروگرام (ہریانہ) ، پونے (مہاراشٹرا) ، رانچی (جھارکھنڈ) ، چنڈی گڑھ ، کوئمبٹور (تمل ناڈو) میں دستیاب ہوگی۔ پائلٹ کا مرحلہ جلد شروع کردیا جائے گا۔
رجسٹرڈ صارفین لاگ ان کا استعمال کرکے موبائل ایپ اور کسٹمر پورٹل کے ذریعہ جب صارفین ایل پی جی ری فل کی بکنگ کریں گے تو انہیں ڈسٹریبیوٹرس کی فہرست ریٹنگ کے ساتھ نظر آئے گی ۔ صارف ایل پی جی ری فلڈیلیوری حاصل کرنے کے لئے اپنے علاقے کے لیے دستیاب فہرست میں سے کسی بھی ڈسٹریبیوٹر کا انتخاب کر سکیں گے۔
