<h3 style="text-align: center;">عمان کا بھارت سمیت 103 ممالک کے لیےمفت سیاحتی ویزاکا اعلان، پاکستان شامل نہیں</h3>
<h5 style="text-align: center;">Oman announces free tourist visas for 103 countries, including India, not Pakistan</h5>
<p style="text-align: right;">مسقط،10دسمبر (انڈیا نیرٹیو)</p>
<p style="text-align: right;">خلیج عرب میں واقع مسلم ملک عمان کی جانب سے 103 ممالک کے لیے انٹری فری سیاحتی ویزا پروگرام شروع کیا جارہا ہے تاہم فہرست میں پاکستان کا نام شامل نہیں کیا گیا۔جب کہ اس فہرست میں بھارت کا نام شامل ہے۔</p>
<p style="text-align: right;">خبررساں ادارے کے مطابق سلطنت عمان کی جانب سے 103 ممالک کے لئے مشروط انٹری فری سیاحتی ویزا پروگرام شروع کیا جارہا ہے، جن ممالک کے لیے مفت ویزا انٹری کی سہولت فراہم کی گئی ہے۔</p>

<h4 style="text-align: right;">مفت ویزہ ممالک کی فہرست کچھ اس طرح ہے</h4>
<p style="text-align: right;">ان کی پہلی فہرست میں یورپی یونین، دوسری فہرست میں جنوبی امریکہ کے ممالک برازیل، چلی، ارجنٹائن، کولمبیا، ویزویلا اور اکواڈور، اورتیسری فہرست میں چاپان، تھائی لینڈ، جنوبی افریقہ، ہانگ کانگ،</p>
<p style="text-align: right;"> روس، چین، برونائی دارالسلام، ایران، ازبکستان، آذربائیجان، بوسنیا، بھارت، قزاقستان اور ویتنام کے علاوہ دیگر عرب ممالک شامل ہیں، تاہم کسی فہرست میں پاکستان کا نام شامل نہیں کیا گیا۔</p>
<p style="text-align: right;">اس حوالے سے عمانی پولیس نے بتایا ہے کہ مشروط ویزے کے لیے سیاح کو دس دن کے قیام کی اجازت ہوگی۔ جب کہ عمانی حکومت نے ٹوئٹر پر کہا ہے کہ</p>

<h4 style="text-align: right;">عمان کی فہرست سے پاکستان کا نام غائب</h4>
<p style="text-align: right;">سیاحوں کو جن شرائط پر عمان آنے کی اجازت ہوگی ان میں پیشگی ہوٹل بکنگ اور واپسی کی کنفرم بکنگ پیش کرنا ہوگی، اور قانون کے مطابق سیاحوں کو میڈیکل انشورنس بھی حاصل کرنا ہوگی، جب کہ سیاحتی پروگرام کا تمام انتظام ٹور آپریٹرس کریں گے۔</p>
<p style="text-align: right;"> واضح رہے کہ کورونا وائرس کے باعث دنیا بھر میں سیاحت سمیت تجارتی اور صنعتی شعبے شدید متاثر ہوئے ہیں، جب کہ عمانی حکام نے بھی اس حوالے سے بیان دیا تھا کہ کورونا کے باعث ملک میں سیاحت شدید متاثر ہوئی اور ملک میں ہوٹل بزنس کو بھی نقصان پہنچا ہے۔</p>
<p style="text-align: right;">Oman announces free tourist visas for 103 countries,</p>
<p style="text-align: right;">including India, not Pakistan</p>.