<h3 style="text-align: center;">پاکستانی وزیر خارجہ کا امارات دورہ، وزیرخارجہ سے ملاقات</h3>
<p style="text-align: center;">Pakistan- Foreign minister- UAE</p>
<p style="text-align: right;">اسلام آباد،18دسمبر(انڈیا نیرٹیو)</p>
<p style="text-align: right;">پاکستان کے وزیر خارجہ شاہ محمود قریشی نے دبئی میں اپنے اماراتی ہم منصب شیخ عبداللہ بن زاید ال نہیان سے ملاقات کی۔ملاقات کے دوران دونوں رہنماﺅں نے دوست ممالک کے درمیان مختلف شعبہ جات میں تعاون کو مزید بڑھانے پر بات چیت کی۔</p>
<p style="text-align: right;">اس موقع پر دونوں وزرائے خارجہ نے خطے کی موجودہ صورت حال اور درپیش مسائل سمیت کورونا وائرس کے خلاف جاری عالمی لڑائی میں تعاون کے حوالے سے بات چیت کی۔</p>
<p style="text-align: right;">اس موقع پر شیخ عبداللہ نے دونوں ممالک کے درمیان تمام شعبوں میں جاری تعاون کو بڑھانے کا اعادہ کیا اور پاکستان کے ساتھ تعلقات کو مزید بہتر بنانے کی خواہش کا اظہار کیا۔</p>
<p style="text-align: right;">پاکستانی وزیر خارجہ شاہ محمود قریشی کا کہنا تھا کہ پاکستان اور متحدہ عرب امارات کے مابین، گہرے ،تاریخی، برادرانہ تعلقات ہیں اور یو اے ای نے ہر مشکل گھڑی میں پاکستان کا ساتھ دیا ہے۔شاہ محمود نے اپنے اماراتی ہم منصب کو دورہ پاکستان کی دعوت دی جسے انہوں نے خوش دلی سے قبول کیا۔</p>.
