<h3 style="text-align: center;">لیز کی واجبات ادا نہ کرنے پرپاکستان کا طیارہ کوالالمپور ایئر پورٹ پرضبط</h3>
<p style="text-align: center;">Pakistani plane confiscated at Kuala Lumpur airport for non-payment of lease dues</p>
<p style="text-align: right;">کوالالمپور،15جنوری(انڈیا نیرٹیو)</p>
<p style="text-align: right;">پاکستان انٹرنیشنل ایئر لائن (پی آئی اے) کا بوئنگ 777 طیارہ کوالالمپور ایئر پورٹ پر مقامی حکام نے قبضہ میں لے لیا،پرواز پی کے 895 کراچی سے آج کوالالمپور پہنچی تھی۔</p>
<p style="text-align: right;"> ذرائع کے مطابق طیارے کی لیز کے واجبات ادا نہ کرنے پرملائشیا میں پی آئی اے کاطیارہ قبضہ میں لیا گیا ہے،ایئر لائن نے 2015 ءمیں بوئنگ 777 طیارہ ویتنام کی کمپنی سے لیز پر حاصل کیا تھا۔</p>

<h4 style="text-align: right;">ذرائع کے مطابق پی آئی اے طیارے کو قبضہ میں لینے کی کارروائی مسافروں کے سوار ہونے کے بعد کی گئی،طیارہ ملائشیا کی مقامی</h4>
<h4 style="text-align: right;">عدالت کے حکم پر تحویل میں لیا گیا ہے،لیز پر لیے گئے طیاروں کے واجبات کی عدم ادائیگی پر کارروائی ہوئی۔</h4>
<p style="text-align: right;">پی آئی اے کے ترجمان کااس واقعے سے متعلق کہنا ہے کہ ملائشیا میں پی آئی اے کا ایک طیارہ عدالتی حکم پر قبضے میں لیا گیا ہے، اس</p>
<p style="text-align: right;">معاملے میں برطانوی عدالت میں پی آئی اے اور ایک پارٹی کا کیس زیر التواہے۔</p>
<p style="text-align: right;">پی آئی اے ترجمان نے بتایا کہ مسئلے کے احسن حل تک مسافروں کی مناسب دیکھ بھال کی جائے گی۔ پی آئی اے کے ترجمان نے کہا ہے کہ</p>
<p style="text-align: right;">ملائشیا میں عدالتی حکم پر طیارے کو قبضہ میں لیا جانا ایک ناخوشگوار صورت حال ہے۔</p>
<p style="text-align: right;">پی آئی اے حکومتی سطح پر اس مسئلے کے حل کے لیے کوشاں ہے۔ذرائع نے بتایا ہے کہ مسافروں کو طیارے سے اتار دیا گیا ہے جب کہ</p>
<p style="text-align: right;">جہاز کا 18 رکنی عملہ بھی کوالالمپور میں پھنس گیا ہے ،جہاز کے عملے کو اب 14 دن قرنطینہ میں گزارنے ہیں۔</p>.