Urdu News

گلورئیس نرسری اینڈ پلے اسکول میں شجرکاری

گلورئیس نرسری اینڈ پلے اسکول میں شجرکاری

مالیگاؤں گرین ڈرائیو کے زیر اہتمام شجرکاری مہم میں تیزی

ماحول کا جائزہ لیں تو یہ بات عیاں ہوتی ہے کہ درخت دن بہ دن ختم ہورہے ہیں۔ درختوں کی کمی کے سبب گزشتہ کچھ سالوں سے گرمی میں مسلسل اضافہ ہورہا ہے۔ یہی وجہ ہے کہ حکومت کی جانب سے درخت لگاؤ مہم و مختلف نعرے دیئے جارہے ہیں۔

 وہیں دوسری جانب مالیگاؤں میں گرین مالیگاؤں ڈرائیو (مُہِم) کے تحت بھی مختلف مقامات پر شجرکاری مہم جاری ہے۔ اسی سلسلے میں گزشتہ دنوں گرین مالیگاؤں ڈرائیو مہم کے تحت دیانہ گٹ نمبر 202، اقصیٰ کالونی علاقے میں مسجد زبیدہ اسحاق کے پاس، گلورئیس نرسری اینڈ پلے اسکول میں محترم ڈاکٹر محمّد مصطفیٰ انصاری صاحب اور پروفیسر حبیب انصاری صاحب نے شجرکاری کرتے ہوئے ان پودوں کی حفاظت اور پرورش کی ذمےداری لی مزید یہ کہ مستقبل میں بھی شجرکاری کرنے کا ارادہ ظاہر کیا۔

شجرکاری کے اس پر مسرت موقع پر محترم محمّد یونس انصاری صاحب، محترم ساجد نعیم انصاری صاحب، ریاض احمد سفاری صاحب اور ڈاکٹر محب انصاری صاحب بھی موجود تھے۔

یاد رہے کہ گرین مالیگاؤں ڈرائیو (عبداللّٰہ ٹرسٹ) کے تحت شہر و اطراف میں ہزاروں درخت لگانے کا کام تیزی کے ساتھ جاری ہے۔ گزشتہ سالوں میں پانچ ہزار پودے اور درخت لگائے گئے جو پھل پھول رہے ہیں. گرین ڈرائیو نے پانچ لاکھ درخت لگانے کا عزائم لئے مسلسل شجری کاری میں پیش قدم کررہی ہے۔

مالیگاؤں شہر کے عوام میں شجر کاری کا جذبہ تیزی کے ساتھ بڑھتا نظر آرہا ہے، شہر کے نوجوان، بڑے، بوڑھے، بچے، خواتین، محلوں کے ذمہ داران، ٹرسٹیانِ مساجد، ٹیچرس، ڈاکٹرس، انجینیئرس، چند کارپوریٹر اور کئی مِلّی و سماجی تنظیمیں، کلبیں مالیگاؤں شہر و اطراف میں پانچ لاکھ درخت لگانے کی اس گرین مہم میں بڑھ چڑھ کر حصہ لے رہے ہیں اور شہر کو تیز رفتاری سے گرین ہرا بھرا کر رہے ہیں۔

Recommended