صدر جمہوریہ ہند، محترمہ دروپدی مرمو آئندہ روز (14 اگست 2022 کو) 76ویں یوم آزادی کی ماقبل شام قوم سے خطاب کریں گی۔

یہ خطاب 1900 بجے سے آل انڈیا ریڈیو (اے آئی آر) کے تمام قومی نیٹ ورک پر اور دوردرشن کے تمام چینلوں پر پہلے ہندی میں اور اس کے بعد انگریزی میں نشر کیا جائے گا۔ دوردرشن پر ہندی اور انگریزی میں خطاب کی نشریات کے بعد دوردرشن کے علاقائی چینل اسے علاقائی زبانوں میں نشر کریں گے۔اے آئی آر اپنے متعلقہ علاقائی نیٹ ورکس پر 2130 بجے سے علاقائی زبان کے ورژن نشر کرے گا۔