<h3 style="text-align: center;">اسرائیل میں احتجاجی مظاہرے، نیتن یاہو سے مستعفی ہونے کا مطالبہ</h3>
<h5 style="text-align: center;">Protests in Israel demand Netanyahu's resignation</h5>
<p style="text-align: right;">یروشلم،14دسمبر(انڈیا نیرٹیو)</p>
<p style="text-align: right;">اسرائیل میں کورونا وائرس وباءکے خلاف جدوجہد میں ناکامی کی وجہ سے وزیر اعظم بنیامین نیتان یاہو کے خلاف احتجاجی مظاہرہ کیا گیا۔القدس، تل ابیب اور شمالی شہر قیصریہ میں</p>
<p style="text-align: right;">مشعلوں اور احتجاجی نعروں والے پلے کارڈوں کے ساتھ ہزاروں مظاہرین نے نیتان یاہو کے خلاف نعرے لگائے اور ان سے مستعفی ہونے کا مطالبہ کیا۔</p>
<p style="text-align: right;">سرکاری نشریاتی ادارے کان کی خبر کے مطابق مظاہرین کے گروپ القدس میں نیتان یاہو کی رہائش گاہ کے سامنے جمع ہوئے اور کورونا وائرس کےخلاف جدوجہد میں ناکامی کی وجہ سے نیتان یاہو کےخلاف نعرے لگائے۔</p>

<h4 style="text-align: right;">روزنامہ یڈیوٹ آہرنوٹ کی خبر کے مطابق</h4>
<p style="text-align: right;">روزنامہ یڈیوٹ آہرنوٹ کی خبر کے مطابق اسرائیلی پولیس نے 13 مظاہرین کو حراست میں لے لیا ہے۔تل ابیب کے پ ±لوں اور چوکوں میں جمع مظاہرین نے بھی ٹریفک بلاک کر دی اور نیتان یاہو سے استعفے کا مطالبہ کیا۔</p>
<p style="text-align: right;">واضح رہے کہ اسرائیل میں تقریباً 25 ہفتوں سے ہفتے کے دن مظاہروں کا سلسلہ جاری ہے اور مظاہرین کووِڈ۔19 کے خلاف ناکام جدوجہد کی وجہ سے وزیر اعظم بنیامین نیتان یاہو سے مستعفی ہونے کا مطالبہ کر رہے ہیں۔</p>.