دہرادون، 17 اکتوبر (انڈیا نیرٹیو)

اتراکھنڈ سے مانسون کی روانگی کے بعدبھی، اتوار کی صبح سے دہرادون سمیت پوری ریاست میں بارش ہو رہی ہے۔ محکمہ موسمیات کے مطابق، فعال مغربی دباؤ کی وجہ سے، ریاست میں بھاری بارش کاامکان ہے۔اسے دیکھتے ہوئے اگلے تین دن کے لیے اورنج الرٹ جاری کیا گیا ہے۔ اس انتباہ کے پیش نظر وزیر اعلیٰ پشکر سنگھ دھامی نے ڈیزاسٹر مینجمنٹ ڈیپارٹمنٹ، پولیس انتظامیہ اور تمام ڈسٹرکٹ مجسٹریٹس کو چوکس رہنے کی ہدایت دی ہے۔

اتوار کی صبح سے دارالحکومت دہرادون سمیت آس پاس کے علاقوں میں بارش جاری ہے۔ پہلے ہلکی بارش ہوئی۔ پھر دس بجے کے بعد بارش تیز رفتار سے گرنے لگی، جس کی وجہ سے ایک بار پھر سردی میں اضافہ ہوا ہے۔ آج چھٹی ہونے کے باعث سیاحتی ہوٹل اور مقامی لوگ اپنے گھروں میں محصور ہیں۔ سوریا دیو مکمل طور پر بادلوں کی چادر میں چھپا ہوا ہے۔ بارش کی وجہ سے دون بجلی کے متائثررہنے کا بھی امکان ہے۔

اگلے 24 گھنٹوں کے دوران ریاست کے میدانی علاقوں اور پہاڑیوں میں ڑالہ باری سے موسلادھار بارش کا امکان ہے۔ ایک بار پھر فعال مغربی دباؤ کی وجہ سے موسم متاثر ہوگا۔ بعض مقامات پر تیز آندھی اور آسمانی چمک کے ساتھ تیز ہوائیں چلنے کا امکان ہے۔ کچھ مقامات پر 80 کلومیٹر فی گھنٹہ کی رفتار سے تیز ہوائیں چلنے کا امکان ہے۔

موسمیاتی مرکز کے ڈائریکٹر اور سینئر ماہر موسمیات وکرم سنگھ کے مطابق، فعال مغربی دباؤ کی وجہ سے اگلے 20 اکتوبر تک پہاڑ سے میدانی علاقوں تک تیز گرج چمک کے ساتھ ہلکی بارش کا امکان ہے۔ ضلعی انتظامیہ اور ڈیزاسٹر مینجمنٹ ڈیپارٹمنٹ انتباہ کے حوالے سے سرگرم ہو گیا ہے۔

 ایس ڈی آر ایف کے کمانڈنٹ نونیت سنگھ کے مطابق، ریاست کے مختلف اضلاع میں ترتیب دی گئی تمام ایس ڈی آر ایف ٹیمیں چوکس ہیں۔ تمام ٹیموں کو ہدایت دی گئی ہے کہ وہ کسی بھی ہنگامی صورتحال کے لیے مکمل طور پر الرٹ رہیں اور امدادی آلات کوتیار رکھیں۔

بارش کے باعث رشیکیش میں عوامی زندگی درہم برہم

رشیکیش میں موسلا دھار بارش کی وجہ سے جہاں زندگی مکمل طور پر ٹھپ ہو کر رہ گئی ہے، وہیں ملک کے مختلف صوبوں سے آنے والے سیاحوں کو کافی تکلیف کا سامنا ہے۔ اس کی وجہ سے رافٹنگ کمپنیوں کے آپریٹرز میں مایوسی چھائی ہوئی ہے۔

ہفتہ اور اتوار کو رشیکیش میں بہت زیادہ رافٹنگ ہوتی ہے، لیکن اتوار کی صبح سے بارش کی وجہ سے، رافٹنگ پر آنے والے سیاحوں کو ڈیزاسٹر مینجمنٹ کی جانب سے گنگا کو دی گئی وارننگ کی وجہ سے کافی پریشانیوں کا سامنا کرنا پڑاہے۔

ہفتہ کو سیاحوں کی بھاری آمد کی وجہ سے پولیس کو ٹریفک کا انتظام کرنے میں کافی پریشانی کا سامنا کرنا پڑا۔ اتوار کو صبح سے ہونے والی بارش نے رافٹنگ کے لیے آنے والے سیاحوں کی امیدوں پرپانی پھیر دیا۔ دوسری جانب بازاروں میں بارش کی وجہ سے گاہکوں کی کمی کے باعث مایوسی کا ماحول ہے۔ قابل ذکر ہے کہ محکمہ موسمیات نے پہاڑوں میں 3 دن تک بارش کا الرٹ جاری کیا ہے۔