فتح پور، بارہ بنکی (ابوشحمہ انصاری)

 قومی یکجہتی اورگنگا جمنی تہذیب کی مثال کوئی بھی قومی تہوار ہو یا مذہبی تہوار ہو یا جلسہ ہو یا جلوس، پولیس افسران اور جوان ہمہ وقت اس کوشش میں لگے رہتے ہیں کہ کہیں بھی یہ پروگرام امن کے ساتھ پایہ تکمیل کو پہنچے۔

کوئی مسئلہ پیدا نہ ہو، پھر بھی اگر کہیں کوئی مسئلہ درپیش ہو تو ہمارے پولیس افسران اسے حل کرتے ہیں۔اگر پولیس افسران اپنی ڈیوٹی پوری ذمہ داری اور تندہی سے ادا نہ کریں تو معاشرے میں آئے روز مسائل جنم لے سکتے ہیں۔

  مذکورہ خیالات کا اظہار ماسٹر احمد سعید ہرف ڈپٹی سیکرٹری انجمن مسلم آنا فنڈ فتح پور نے کیا۔ان کا مزید کہنا تھا کہ ہمیں ایسے پولیس افسران اور جوانوں پر فخر ہے جو اپنی ڈیوٹی پوری ذمہ داری اور تندہی سے ادا کرتے ہیں۔ فرض اور فرض ادا کرنے والے پولیس افسران کو عزت دی جائے۔

 انجمن مسلم آنا فنڈ کے زیراہتمام 94 واں قدیمی تیتھی کا جلوس مدحے صحابہؓ میں نکالا جانا تھا اسی دن والمیکی جینتی کا جلوس بھی نکالا جانا تھا، تین راستے تھے جہاں دونوں جلوس نکالے جانے تھے۔ اسی دوران انسپکٹر انچارج انیل کمار پانڈے نے دونوں جلوس کی ذمہ داروں سے بات چیت کا اہتمام کیا۔

جس کی وجہ سے دونوں جلوس کے ذمہ داران نے اپنا وقت آگے بڑھایا اور باہمی رضامندی سے وقت طے کیا، جس کی وجہ سے دونوں جلوس بڑی شان و شوکت سے نکلے۔

 اس موقع پر انجمن سیرت کمیٹی کے سرپرست ڈاکٹر جمال، صدر مولانا محمد صابر قاسمی، نائب صدر محمد وحید، محمّد عقیل عرف راجہ، عتیق احمد، ڈپٹی سیکرٹری محمد شکیل صدف، خزانچی حاجی اعجاز احمد انصاری، سماجی کارکن ڈاکٹر عبدالرشید،سمر سنگھ، محمد شاکر بہلیمی، حسن واصف، معراج احمد وغیرہ موجود رہے۔