اہل خانہ نے لوگوں کا شکریہ ادا کیا، دعاؤں کی درخواست کی گئی
ایک مرتبہ پھر سے کشمیری قوم نے اپنے قوم کی بیٹی کی مدد کے لئے 24 گھنٹوں سے بھی کم وقت میں 80 لاکھ روپے سے زیادہ کی فنڈ جمع ہے۔ یہ فنڈنگ پلوامہ سے لیوکیمیا کی ایک مریض لڑکی کے علاج کے لیے کی گئی ہے۔
تفصیلات کے مطابق پلوامہ کے لسی پورہ علاقے کے ایک خاندان نے سوشل میڈیا پر اپنی کینسر مریض بیٹی کے لئے مدد کی اپیل کی تھی اور وہ 24 گھنٹے سے بھی کم وقت میں اپنی بیٹی کے علاج کے لیے درکار 80 لاکھ سے زیادہ رقم حاصل کرنے میں کامیاب ہو گئے۔
لیوکیمیا کی مریض (24 سالہ خاتون) کے بھائی نے بتایا کہ ان کی بہن کو جنوری 2022 میں لیوکیمیا کی تشخیص ہوئی تھی جس کے بعد اسے علاج کے لیے وادی سے باہر منتقل کیا گیا تھا۔ اس کے نو ماہ کے علاج پر تقریباً ایک کروڑ خرچ ہوئے۔ ہمارے خاندان نے رشتہ داروں، پڑوسیوں اور دوستوں کے ساتھ مل کر اس کا انتظام کیا۔
مریض خاتون کے بھائی نے بتایا کہ ڈاکٹروں کے مشورے کے مطابق، اسے دوبارہ فالو اپ چیک اپ کے لیے لے جایا گیا جہاں اس کے چند ٹیسٹ ہوئے اور ڈاکٹروں نے کہا کہ اسے مزید چھ ماہ تک علاج کی ضرورت ہے۔ اس کے علاج پر تقریباً 80 لاکھ لاگت آئے گی۔
انہوں نے مزید کہا کہ خاندان پہلے ہی اس کے علاج کے لیے اپنی پوری بچت خرچ کر چکا ہے اور وہ اس کا علاج جاری رکھنے کی پوزیشن میں نہیں تھے، اس لیے ان کے پاس کراؤڈ فنڈنگ ہی واحد آپشن تھا۔
