چیئرمین امین پٹھان اور نائب صدر منور خان نے مبارک باد دی
سنٹرل وقف کونسل نئی دہلی کے سیکریٹری شادان زیب خان نے عظیم صوفی بزرگ خواجہ غریب نواز کی انتظامیہ کمیٹی درگاہ کمیٹی کے ناظم کے عہدے کا اضافی چارج سنبھال لیا ہے۔ دہلی کے دفترمیں شادان احمد نے عہدہ سنبھالنے کے بعد اس ذمہ داری کو خواجہ صاحب کا تحفہ قرار دیتے ہوئے کہا ہے کہ میری پوری کوشش ہوگی کہ درگاہ پر دنیا بھر سے آنے والے زائرین کی سہولت کے لیے بہتر سے بہتر کام کر سکیں۔
عہدہ سنبھالنے کے ساتھ ہی احمد کو چیئرمین امین پٹھان نے فون پر مبارکباد دی اور انہیں جلد اجمیر آنے کی دعوت دی۔ اس موقع پر معاون ناظم ڈاکٹر عادل نے نئے مقرر ناظم کو دستار اور درگاہ شریف کا ترانہ پیش کیا۔ پرسنل اسسٹنٹ ناظم فضل متین احمد کو بھی پورے عملے کی جانب سے مبارکباد دی گئی ہے۔ نائب صدر منور خان نے بھی نئے مقرر ہونے والے ناظم شادان زیب خان کو فون پر مبارک باد دی اور یہ بھی یقین دلایا کہ موجودہ درگاہ کمیٹی کے ساتھ تاریخی کا کام ان کے ذریعے کروایا جائے گا۔
