اخلاقی ذمہ داری لیتے ہوئے ادھو ٹھاکرے استعفیٰ دیں : روی شنکر پرساد

<p dir="RTL" style="text-align: justify;">
پٹنہ ، 21 مارچ (انڈیا نیرٹیو)</p>
<p dir="RTL" style="text-align: justify;">
مرکزی قانون و انصاف اور آئی ٹی وزیر روی شنکر پرساد نے مہاراشٹر کے وزیر اعلیٰ ادھو ٹھاکرے سے استعفی دینے کا مطالبہ کیا۔ پرساد نے اتوار کے روز پٹنہ میں بی جے پی دفتر میں پریس کانفرنس کر ان سے استعفیٰ دینے کا مطالبہ کیا ۔مرکزی وزیر روی شنکر پرساد نے ممبئی کے سابق پولس کمشنر پرم ویر سنگھ کے خط سے پیدا ہوئے تنازعہ پر کہا ہے کہ ریاست کے وزیراعلیٰ ادھو ٹھاکرے یا شرد پواراس مسئلے پر کیا کر رہے ہیں۔ اس بات کو ریاست  کے لوگ  پوچھ رہے ہیں۔ </p>
<p dir="RTL" style="text-align: justify;">
پرساد نے کہا کہ سچن واجے کو بچانے کے لیے پورا مہاراشٹر حکومت لگی ہوئی ہے ۔ جس سے پتہ چلتا ہے کہ حکومت مہاراشٹر میں کس طرح سے لوٹ ۔ گھسوٹ میں ملوث ہے۔صحافیوں سے گفتگو کرتے ہوئے انہوں نے کہا کہ یہ صرف کرپشن کا معاملہ نہیں ہے۔ یہ آپریشن لوٹ ہے۔ رنگداری ایک جرم ہے اور اگر اس معاملے میں شرد پوار کو بریف کیا جارہا ہے تو سوال پیدا ہوتا ہے کہ شرد جب حکومت میں نہیں ہیں تو انہیں کس وجہ سے بریف کیا جارہا ہے۔ اس لیے ایک سوال یہ بھی پیدا ہوتا ہے کہ شرد پوار نے اپنی سطح پر کیا کارروائی کی ۔ </p>
<p dir="RTL" style="text-align: justify;">
روی شنکر پرساد نے ادھو حکومت پرحملہ کرتے ہوئے کہا کہ انہوں نے مہاراشٹر میں چور دروازے سے حکومت بنائی ہے اور لیٹر بم کے اس واقعہ کے بعد یہ صاف ہوگیا ہے کہ ادھو ٹھاکرے حکومت اپنا اخلاقی اختیار کھو چکی ہے۔ اس پورے معاملے پر حکومت جواب دینے کی ضرورت ہے۔ </p>
<p dir="RTL" style="text-align: justify;">
انہوں نے کہا کہ اگر ایسا نہیں ہوتا ہے تو بھارتیہ جنتا پارٹی  چپ  نہیں رہے گی۔ مہاراشٹر میں سڑک پر اتر کر بی جے پی احتجاج کرے گی اور جو سچ ہے وہ سب کے سامنے آکر رہے گا۔</p>