<h3 style="text-align: center;">جازان میں سعودی آرامکو کے پمپ میں تکنیکی تعطل</h3>
<p style="text-align: right;"> ریاض ،03دسمبر(انڈیا نیرٹیو)</p>
<p style="text-align: right;">دنیا میں تیل پیدا کرنے والی سب سے بڑی کمپنی سعودی آرامکو نے اعلان کیا ہے کہ جازان میں پٹرولیم مصنوعات کی تقسیم کے اسٹیشن پر ایک پمپ میں تکنیکی خرابی کے سبب تعطل آنے کے بعد صوبے میں ایندھن کے متعدد اسٹیشنوں پر بعض پٹرولیم مصنوعات میں قلت سامنے آئی ہے۔</p>
<p style="text-align: right;">العربیہ کی رپورٹ کے مطابق وزیر توانائی شہزادہ عبدالعز یز بن سلمان بن عبدالعزیز کی ہدایت پر وزارت توانائی سعودی آرامکو کمپنی اور دیگر متعلقہ اداروں کے ساتھ رابطہ کاری کے ذریعے کام کر رہی ہے۔</p>
<p style="text-align: right;">اس کا مقصد جازان صوبے میں پٹرولیم مصنوعات کی طلب پوری کرنے کو یقینی بنانا ہے۔سعودی آرامکو کمپنی نے تصدیق کی ہے کہ اس کی تکنیکی ٹیمیں اس تکنیکی خرابی کی درستی کے لیے چوبیس گھنٹے کام کر رہی ہیں تا کہ اس اسٹیشن سے جازان صوبے کی ضرورت کے مطابق پٹرولیم مصنوعات کی فراہمی دوبارہ ممکن بنائی جا سکے۔</p>
<p style="text-align: right;">ملی اطلاع کے مطابق تیل سپلائی میں تکنیکی خرابی کو دور کرنے کے لیے کام کیا جا رہا ہے ، البتہ تیل کمپنی میں تکنیکی خراب اپنے آپ میں ایک بہت مشکل کام ہے۔ اب دیکھنے والی بات یہ ہوگی یہ مسائل کب تک حل ہوتا ہے</p>
<p style="text-align: right;">اس تکنیکی خرابی کے بارے میں وزیر توانائی شہزادہ عبد العزیز بن سلمان بن عبد العزیز نے زور دے کر کہا ہے کہ اس سمت میں تمام عملہ بہتر طور پر کام کررہے ہیں، اس تکنیکی خرابی کو جلد ہی ٹھیک کردیا جائے گا۔</p>
<p style="text-align: right;">تاہم اب دنیا کے لیے تیل کی فراہمی میں مشکلات پیش آئے گی یا نہیں؟ اس سلسلے میں کچھ کہا نہیں جا سکتا ہے کیوں کہ جو خبر موصول ہو رہی ہے اس میں اس کی کوئی وضاحت نہیں ہے</p>.
