محکمہ صحت نے 371 خواتین کو ایوارڈ سے سرفراز کیا

پٹنہ 09 مارچ (انڈیا نیرٹیو)

عالمی یوم خواتین کے موقع پر محکمہ صحت کی جانب سے عمدہ کام کرنے والی 371 خواتین کو اعزاز سے نوازا گیا۔ اس موقع پر وزیر صحت منگل پانڈے نے کہا کہ خواتین کے تعاون سے بہار صحت کے شعبے میں قومی سطح پر ایک ماڈل ریاست بن گئی ہے ۔محکمہ کی جانب سے خواتین کو معاشی طور پر بااختیار بنانے کی کوششوں کے تحت خواتین روٹی کمانے والی نہیں بلکہ کموانے والی بنیں گی ۔ محکمہ نے سرکاری اسپتالوں میں خواتین کو فوڈ مینجمنٹ کی ذمہ داری سونپی ہے۔

 پیر کے روز محکمہ صحت کے زیراہتمام پہلی بار خواتین کے عالمی دن کے موقع پر عمدہ کام کرنے والی خواتین کارکنوں کے لیے اعزازی پروگرام کا انعقاد محکمہ سے ضلع ہیڈکوارٹر تک کیا گیا۔ خواتین کارکنوں کو اضلاع میں سول سرجنوں کے ہاتھوں سے نوازا گیا۔

 وزیر صحت نے محکمہ کے آڈیٹوریم میں خواتین میں قائدانہ تھیم پر منعقد اس اعزازی پروگرام میں کہا کہ آشا ، اے این ایم اور اسسٹنٹ سپروائزر کورونا کے دوران کورونا کنٹرول کی ڈور ٹو ڈور تحقیقات میں اپنی جان کو خطرے میں ڈال کر ایمانداری سے محنت کی انہوں نے محکمہ کی خواتین ڈاکٹروں سمیت تمام اہلکاروں کی شراکت کی تعریف کی اور ان سب کو نیک خواہشات پیش کیں۔

 انہوں نے کہا کہ خود انحصار بہار کے سات نشچے پارٹ 2 کے تحت لڑکیوں کو تعلیم دینے کا فیصلہ کیا گیا ہے۔ ریاست میں جنم کے تناسب کی کل شرح تین پر آ گئی ہے۔ آبادی کی کثرت کو کم کرنا ہوگا۔ حکومت محکمہ صحت کے توسط سے وزیر اعلیٰ کنیا اتھان یوجنا کے تحت بچی کی مجموعی نشوونما کا خیال رکھا جا رہا ہے۔

اس موقع پر وزیر صحت نے 21 محکموں کے خواتین کارکنوں کو توسیفی اعزاز دے کر ان کی عزت افزائی کی محکمہ صحت کے پرنسپل سکریٹری پریتہ امرت نے بتایا کہ محکمہ صحت میں خواتین کی ایک بڑی تعداد شامل ہے۔ امید ہے کہ یوم خواتین کے موقع پر خواتین کارکنوں کے اعزاز کا کام آگے بھی جاری رہے گا۔