لکھنؤ، 03 فروری (انڈیا نیرٹیو)

 اترپردیش حکومت کے محکمہ اقلیتی بہبود کے توسط سے وزیراعظم عوامی ترقیاتی پروگرام کو موثر طریقہ سے عمل آوری کرنے کا فیصلہ کیا گیا ہے۔

 عوامی ترقیاتی پروگرام کے تحت تعلیمی سہولیات کا وضع، آئی ٹی آئی عمارتوں کی تعمیر، پینے کا پانی سے متعلق پروجیکٹوں کا قیام، نئے پروجیکٹوں کی عمل آوری کے ساتھ ہی یونانی میڈیکل کالج کے قیام کے کام کرائے جانے کا بندوبست کیا گیاہے۔ 

محکمہ اقلیتی بہبود سے موصولہ اطلاع کے مطابق ریاست میں 47 انٹرکالجوں کی تعمیر کرائی جا چکی ہے۔ ان سبھی کالجوں میں فرنیچر وغیرہ کے بندوبست کی کارروائی کی جا رہی ہے۔

 اسی طرح اسکل ڈیولپمنٹ کےلیے 13نئی آئی ٹی آئی عمارتوں کی تعمیر کرائی گئی۔ اس کے علاوہ 12آئی ٹی آئی بھی سر گرم عمل ہو گئی ہیں۔