امریکہ میں آبادی بڑھنے کی رفتار 120 سالوں میں کم ترین سطح پر

<h3 style="text-align: center;">امریکہ میں آبادی بڑھنے کی رفتار 120 سالوں میں کم ترین سطح پر</h3>
<p style="text-align: right;">واشنگٹن،24دسمبر(انڈیا نیرٹیو)</p>
<p style="text-align: right;"> ماہرین کا کہنا ہے کہ اس کی وجہ سے کرونا وائرس سے بڑی تعداد میں ہلاکتیں ہے۔دی بروکنگز انسٹی ٹیوٹ کے میٹرو پولیٹن پالیسی پروگرام کے سینئیر فیلو ولیم فرے کا کہنا ہے کہ امریکہ میں پچھلے کئی برسوں سے</p>

<h4 style="text-align: right;">امیگریشن پر پابندیوں اور شرح پیدائش</h4>
<p style="text-align: right;">امیگریشن پر پابندیوں اور شرح پیدائش میں کمی کے باعث پہلے ہی آبادی میں اضافے میں کمی دیکھنے میں آ رہی تھی، مگر کرونا وائرس کی وجہ سے ہونے والی ہلاکتوں کے باعث یہ کمی زیادہ محسوس کی جا رہی ہے۔</p>
<p style="text-align: right;">انہوں نے کہا کہ ”میرے خیال میں یہ پہلا موقع ہے کہ ہمیں محسوس ہو رہا ہے کہ ہم کہاں جا رہے ہیں۔ اس سے ہمیں یہ معلوم ہو رہا ہے کہ ہماری آبادی پر اس سے فرق پڑ رہا ہے۔“</p>
<p style="text-align: right;">2019 سے 2020 کے دوران امریکی آبادی صفر اعشاریہ 35 کی رفتار سے بڑھی۔ یعنی ایک سال کے عرصے میں محض 11 لاکھ افراد کا اضافہ ہوا۔</p>
<p style="text-align: right;">امریکی سنسس بیورو کے مطابق جولائی 2020 تک کل امریکی آبادی کا تخمینہ 32 کروڑ 90 لاکھ افراد لگایا گیا ہے۔ولیم فرے کے مطابق یہ اس صدی میں ریکارڈ کیا جانے والا امریکہ میں آبادی میں کم ترین اضافہ ہے۔</p>

<h4 style="text-align: right;">پہلی جنگ عظیم کے بعد سپینش فلو کی عالمی وبا</h4>
<p style="text-align: right;">پہلی جنگ عظیم کے بعد سپینش فلو کی عالمی وبا کے دوران بھی 1918 سے 1919 کے عرصے میں امریکہ میں آبادی میں اضافے کی رفتار صفر اعشاریہ 49 رہی تھی۔</p>
<p style="text-align: right;">2019 سے 2020 کے دوران امریکہ کے شمال مشرق اور وسط مغربی خطے میں آبادی میں قلیل تعداد میں کمی دیکھنے میں آئی، جب کہ جنوب اور مغرب میں واقع ریاستوں کی آبادی میں قلیل تعداد میں اضافہ ہوا۔</p>

<h4 style="text-align: right;">امریکی ریاست اڈاہو میں سب سے زیادہ اضافہ دیکھنے</h4>
<p style="text-align: right;">امریکی ریاست اڈاہو میں سب سے زیادہ اضافہ دیکھنے میں آیا۔ یہاں دو اعشاریہ ایک فیصد کے ساتھ اب 18 لاکھ افراد آباد ہیں۔ اس کے بعد ایریزونا میں یہ اضافہ ایک اعشاریہ آٹھ فیصد، نیواڈا میں ڈیڑھ فیصد، یوٹا میں ایک اعشاریہ چار فیصد اور ٹیکساس میں ایک اعشاریہ تین فیصد اضافہ ہوا۔</p>
<p style="text-align: right;">16 ریاستوں کی آبادی میں کمی دیکھنے میں آئی۔ جن میں ملک کی سب سے گنجان آباد ریاست کیلی فورنیا بھی شامل ہے جہاں صفر اعشاریہ آٹھ فیصد کمی کے بعد اب 3 کروڑ 93 لاکھ افراد آباد ہیں۔</p>.