نئی دہلی،12  جولائی ،2021   / ثقافت اور سیاحت کے مرکزی وزیر جناب جی کشن ریڈی نے نئی دلی کے جن پتھ پر آج بھارت کے محکمہ آثار قدیمہ کا دورہ کیا ۔ ان کے ہمراہ ثقافت کی مرکزی وزیر مملکت محتر مہ میناکشی لیکھی بھی تھیں۔ انہوں نے تحفظ اور ڈیجیٹائز کرنے سے متعلق سرگرمیوں کا جائزہ لیا۔ اس موقعے پر ثقافت کی وزارت کے سکریٹری جناب رگھویندر سنگھ اور بھارت کے محکمہ آثار قدیمہ  کے ڈائریکٹر جنرل جناب چندن سنہا، اور دیگر افسران بھی موجود تھے۔

وزیر موصوف نے ریسرچ روم ، پرانی ریپوزیٹری ، پریزرویشن روم، اور پرانی آثار قدیمہ کی عمارت وغیرہ کا دورہ کیا ،۔ انہوں نے کہا کہ انہیں ایسا موقع ملا ہے کہ وہ حکومت ہند کے  غیر تازہ ریکارڈ میں سے سب سے زیادہ مالامال اور  شاندار مجموعوں میں سے ایک کا مشاہدہ کریں جو بھارت کی شاندار تاریخ اور ثقافت کا ایک ثبوت ہے۔

 

 

جناب ریڈی نے کہا کہ بھارت کا محکمہ آثار قدیمہ دنیا میں سب سے بڑا اور باوقار مرکزوں میں سے ایک ہے اور اس میں 80 کروڑ صفحات کا ریکارڈ اور 57 لاکھ فائلیں اور ایک لاکھ 20 ہزار نقشے و دیگر چیزیں موجود ہیں۔ انہوں نے کہا کہ یہ اہم بات ہے کہ اس ریکارڈ کو مستقبل کی نسلوں کے لیے محفوظ رکھا جائے۔ جناب ریڈی نے بھارتی حکومت کے اہم معاہدوں ، غیرملکی معاہدوں اور بابائے قوم مہاتما گاندھی کی شخصیت اور کاموں سے متعلق دستاویزات نیز بودھ ثقافت سے متعلق دستاویزات کے تحفظ کے کام کی تعریف کی، جسے محکمۂ آثار قدیمہ نے انجام دیا ہے۔

 

 

جناب ریڈی نے مزید کہا کہ ان ریکارڈز کو ڈیجیٹل شکل دی جا رہی ہے اور آزادی کا امرت مہوتسو کے موقعے پر جو آزادی کے 75 سال پورے ہونے کے موقعے پر منایا جا رہا ہے اس کی رفتار تیز کی جائے گی۔ یہ ایک بہت بڑا پروجیکٹ ہے تاکہ ملک کے عوام اور دنیا آثار قدیمہ کے اس سامان تک آسانی سے رسائی حاصل کر سکے جو ریکارڈز کے پورٹل پر دستیاب ہے۔ انہوں نے یہ بھی کہا کہ اس کی تعلیمی حیثیت بھی ہوگی اور اس سے بیداری لانے میں بھی تعاون ملے گا۔

 

وزیر موصوف نے مزید وضاحت کی کہ امرت مہوتسو بھی تقریبات کے پیش نظر ہمارے مجاہدین آزادی کی زندگی ، جد و جہد  اور تنازعات سے متعلق ریکارڈ کو ترجیحی بنیاد پر ڈیجیٹل شکل دینے  کی ایک تجویز ہے۔  تاکہ آنے والی نسلیں ملک کی آزادی کے لیے ان کی طرف سے کی گئیں قربانیوں کے بارے میں جان سکیں۔

 میڈیا کے افراد سے بات کرتے ہوئے  وزیر موصوف نے یقین دلایا کہ آثار قدیمہ کے سبھی ریکارڈز حکومت کے پاس ہیں۔ انہوں نے مرکزی وستا تجدید نو کے پروجیکٹ کے دوران ان کی مکمل حفاظت کا یقین دلایا۔

بھارت کا آثار قدیمہ حکومت ہند کا غیر تازہ ریکارڈز  کا ذخیرہ ہے اور وہ  ایڈمنیسٹریٹرز اور دانشوروں کے استعمال کے لیے اسے اپنے پاس رکھتا ہے۔