لداخ،25 ستمبر(انڈیا نیرٹیو)

مرکزی وزیر اطلاعات و نشریات انوراگ ٹھاکر نے جمعہ کے روز لیہ میں پانچ روزہ پہلے ہمالیائی فلم فیسٹیول کا افتتاح کرتے ہوئے کہا کہ جموں و کشمیر اور لداخ جلد ہی فلم ٹریننگ انسٹی ٹیوٹ سے منسلک ہو جائیں گے۔ پانچ روزہ فلمی میلہ آزادی کا امرت مہوتسو کی تقریبات کا ایک حصہ ہے جو ہندوستان کی آزادی کے 75 سالوں کی یاد میں منایا جا رہا ہے۔

وزیر اعظم کے ''جن بھاگھی داری'' کے مطالبے کو مدنظر رکھتے ہوئے، فلم فیسٹیول میں مقامی فلم سازوں کی فعال شرکت ہوگی اور 12 ہمالیائی ریاستوں اور مرکز کے زیر انتظام علاقے اپنی صلاحیتوں کا مظاہرہ کریں گے۔ وزیر نے کہا کہ موجودہ نریندر مودی حکومت پہاڑی ریاستوں کو ایک نئی پہچان دے گی، وزیر اور وزارت اطلاعات و نشریات اس مقصد کے لیے انتھک محنت کریں گے۔"

وزیر نے مزید کہا کہ "ہمالیائی ریاستوں کی ایک متنوع ثقافت ہے اور ان کو دکھانے کے لیے بہت کچھ ہے۔ ان ریاستوں کے نوجوانوں کو اپنی صلاحیتوں کو ظاہر کرنے کے مواقع کی ضرورت ہے۔ سینما تمام ثقافتی تنوع کو اکٹھا کرنے کے لیے ایک پلیٹ فارم مہیا کرتا ہے۔ثفاقت کے لئے سنیما کی دنیا ایک نمایاں پلیٹ فارم مہیا کرتی ہے۔