Urdu News

مرکزی وزیر جناب انوراگ ٹھاکر نے کانگڑہ سنٹرل کوآپریٹیو بینک کو اس کی بے مثال ترقی پر مبارکباد دی

مرکزی وزیر جناب انوراگ ٹھاکر

 

اطلاعات ونشریات کے مرکزی وزیر جناب انوراگ ٹھاکر نے آج کانگڑہ سنٹرل کوآپریٹیو بینک کو اس کی بے مثال ترقی پر مبارکباد دی۔ یہ وہ بینک ہے جس نے 46 کروڑ کا نقصان جھیلا تھا اور اب محض چار سال  میں 22-2021 مالی سال میں اسے 87 کروڑ روپے کا فائدہ ہوا ہے۔ وزیر موصوف نے اس بات پر دلی خوشی کا اظہار کیا کہ بینک کے ذریعہ حاصل یہ سب سے بڑا منافع ہے۔

جناب ٹھاکر نے وزیر اعظم جناب نریندر مودی کے اس ویژن کا اعادہ کیا کہ حکومت آزادی کا امرت مہوتسو کے جذبے کے ساتھ تعاون واشتراک کے جذبے کو ہم آہنگ کرنے کی کوشش کررہی ہے۔وزیر اعظم نے زور دے کر یہ بات کہی تھی کہ حکومت اس بات کو یقینی بنانے کے لئے کام کررہی ہے کہ کوآپریٹیو سو سائٹیز مارکیٹ میں مقابلے پر آئیں اور اس مقصد کو حاسل کرنے کے لئے انھیں سازگار حالات فراہم کئے جائیں اور امداد باہمی  اداروں  پر ٹیکس کے بوجھ کو کم کیا جائے ۔ وزیر موصوف نے کہا کہ بینک کی قابل ذکر کامیابی ’’سہکارتا سے سمردھی‘‘ (تعاون کے ذریعہ خوشحالی) کے مقصد کو آگے بڑھائے گی۔

وزیر موصوف نے گزشتہ چار برسوں میں بینک کی ترقی کا ذکر کیا اور کہا کہ بینک نے مختلف سوشل سیکورٹی اسکیموں کے تحت صارفین کے اندراج کو خاطر خواہ طور پر بڑھایا ہے۔ انھوں نے بینک کے تمام چودہ سو ملازمین کو مبارکباد دی کہ ان کی لگن کی وجہ سے گزشتہ چار برس میں سترہ لاکھ صارفین کے نتیجے میں تین ہزار کروڑ روپے کی زبردست ترقی حاصل ہوئی ۔

کانگڑہ سنٹرل کوآپریٹیو بینک (KCCB) کے بارے میں:۔

کے سی سی بی کو 1920 میں سرٹیفکیٹ آف رجسٹریشن ملا تھا اور اسی سال مارچ میں اس نے کام شروع کیا تھا۔ بینک کی اس وقت 26 شاخیں ہیں اور کا ہیڈ آفس دھرمشالا میں ہے۔ گزشتہ چار برسوں میں بینک نے مختلف زمروں میں بے پناہ ترقی کی ہے۔ بینک کی سرمایہ کاری بڑھ کر 2324 لروڑ روپے ہوگئی ہے اور ریزرو فنڈز 26 کروڑ روپے ہیں۔ کل منافع بڑھ کر 31 مارچ 2022 کو 87.53 کروڑ روپے ہوگیا جو کہ 31 مارچ 2018 کو 4.55 کروڑ روپے تھا۔

Recommended