<h3 style="text-align: center;">امریکہ نے چین سے روئی ، ٹماٹر سمیت متعدد مصنوعات کی درآمد پر پابندی عائد کردی</h3>
<p style="text-align: center;">US bans imports from Xinjiang</p>
<p style="text-align: right;">واشنگٹن 14 جنوری (انڈیا نیرٹیو)</p>
<p style="text-align: right;">امریکہ نے مغربی چین کے سنکیانگ خطے سے روئی اور ٹماٹر کی مصنوعات پر درآمدی پابندی کا اعلان کیا۔</p>
<p style="text-align: right;">ٹرمپ انتظامیہ نے بدھ کے روز مغربی چین کے سنکیانگ علاقے سے آنے والی روئی اور ٹماٹر کی مصنوعات پر درآمدی پابندی کا اعلان کیا ہے۔ اس کی وجہ ایغورمسلمانوں کی جبری مشقت بتائی جارہی ہے۔</p>
<p style="text-align: right;">یو ایس کسٹمز اینڈ بارڈر پروٹیکشن نے کہا کہ اس آرڈر کا اطلاق سنکیانگ کی روئی سے تیار کردہ خام ریشوں ، لباس اور ٹیکسٹائل پر ہوگا۔</p>
<p style="text-align: right;">ہوم لینڈ سیکورٹی ڈیپارٹمنٹ (ڈی ایچ ایس) کا تخمینہ ہے کہ پچھلے سال تقریبا 9 بلین ڈالر کی روئی کی مصنوعات اور 10 ملین ڈالر کی مالیت کے ٹماٹر یہاں سے امریکہ میں درآمد کئے گئے۔</p>
<p style="text-align: right;">ڈی ایچ ایس کے قائم مقام نائب سکریٹری کینتھ کیوکینلی نے بتایا کہ یہ حکم درآمد کنندگان کے لئے ایک سخت پیغام ہے کہ ڈی ایچ ایس کسی بھی قسم کی جبری مشقت برداشت نہیں کرے گی اور کمپنیوں کو اپنی سپلائی سے سنکیانگ کی مصنوعات کو ختم کرنا چاہیے۔</p>.
