مغربی بنگال : بھاجپا نے ترنمول  کو طالبان سے کیا موازنہ، کہا  بنگال کو طالبانائز کررہی ہے ترنمول: سکانت مجمدار

مغربی بنگال بھارتیہ جنتا پارٹی کے نومنتخب صدر اور رکن پارلیمنٹ سکانت مجمدار نے آج ممتا بنرجی کی حکومت پر سخت حملہ کیا۔ مجمدار نے ترنمول پر مغربی بنگال کو طالبانائزکرنے کا الزام لگایا ہے۔

منگل کو نئے مقرر کردہ صدر اور رکن پارلیمنٹ سکانت مجمدار کوچ بہار سے سیالدہ پہنچے۔ انہوں نے یہاں پارٹی دفتر میں عہدیداروں اور کارکنوں سے ملاقات کی۔ اس کے بعد صدر مجمدار نے نامہ نگاروں کو بتایا کہ حکمران جماعت اور وزیر اعلیٰ کا بنیادی مقصد مغربی بنگال کو طالبانائز کرنا ہے، لیکن پارٹی اسے روکنے کی پوری کوشش کرے گی۔ رکن اسمبلی مجمدار نے ترنمول کو ' طالبان ' پارٹی قرار دیا۔ انہوں نے واضح کیا ہے کہ وہ ترنمول کانگریس سے نہیں ڈرتے۔ طالبان پارٹی کو مناسب جواب دیا جائے گا۔ اس بات کو تسلیم کرتے ہوئے کہ تنظیم کی کمزوری اسمبلی انتخابات میں پارٹی کی شکست کی وجہ تھی، انہوں نے کہا کہ غلطیوں کی اصلاح کی جائے گی۔