<h3 style="text-align: center;">امریکہ کو بین الاقوامی وعدوں کا احترام کرنا چاہیے: ایران</h3>
<p style="text-align: right;">تہران،09نومبر(انڈیا نیرٹیو)</p>
<p style="text-align: right;">ایرانی صدر ڈاکٹر حسن روحانی نے امریکہ کی نئی حکومت سے اپیل کرتے ہوئے کہا ہے کہ امریکہ کو گزشتہ حکومت کی غلطیوں کی بھرپائی کرنی چاہیے اور بین الاقوامی وعدوں کے تئیں وفادار اور بین الاقوامی قوانین کا احترام کرنا چاہیے۔</p>
<p style="text-align: right;">روحانی نے کابینہ کی اکنامک کوآرڈی نیشن بورڈ کی میٹنگ کے دوران یہ بات کہی۔ ایران کی خبررساں ایجنسی نے روحانی کے حوالے سے بتایا کہ ایران ہمیشہ اپنے وعدوں کے تئیں وفادار رہا ہے اور بین الاقوامی برادری کے ساتھ مثبت بات چیت کی ہے۔</p>
<p style="text-align: right;"> صدر روحانی نے کہا ہے کہ اس علاقے کے لیے تال میل اور اجتماعی تعاون سے سلامتی کو بہتر کرنے کا وقت ہے۔واضح رہے کہ امریکہ میں ہوئے صدارتی انتخابات میں ڈونالڈ ٹرمپ ہار گئے ہیں اور ان کے اہم مدمقابل جوبائیڈن کی شاندار جیت ہوئی ہے۔ ٹرمپ کے صدر رہتے ہوئے ایران اور امریکہ کے درمیان تعلقات شدید بحران کا شکار ہوگئے تھا اور جنگ تک کی نوبت آگئی تھی۔</p>
<p style="text-align: right;">واضح رہے ویسے تو ہر دور میں امریکہ اور ایران کے تعلقات اچھے نہیں رہے ہیں لیکن ٹرمپ انتظامہ کے دور میں دونوں ممالک کے درمیان بہت زیادہ خراب ہو گئے تھے اور امریکہ نے کئی عالمی سمجھوتوں سے منہ موڑ لیا تھا۔اب یہ دیکھنا ہوگا کہ نو منتخب صدر جو بائڈن کس طرح امریکہ اور ایران کےتعلقات کو لیتےہیں اور ان کی مستقبل کی پالیسی کیا ہوگی۔</p>.
